廚十三老壇酸菜魚 (譽發廣場) (已結業)

今日同屋企人黎到油麻地既廚十三，呢間分店既質素都真係好好，我地食得好滿意！$98麻辣砵砵雞呢個係好麻辣既串串，啲串串浸係又麻又辣既油入面，吸晒啲辣味先上枱，串串有牛展，牛肚，牛脷，鵪鶉蛋，萵筍片，土豆片，雞腳，鵪鶉蛋爆黃添，好好食！$68 泡椒鳳爪鳳爪大大隻，好爽脆，油泡過既鳳爪好入味，愈食愈麻愈辣，鳳爪底仲有啲菜墊底，好開胃好惹味！老壇酸菜魚一定要講係份量真係好多！！未食望到已經好興奮😆呢度既酸菜原來係自己醃製，咸度同酸度岩岩好，而面頭既辣椒就有出辣味，另外仲有花椒帶出麻味，酸辣麻齊晒，好正😚啲魚片又多又大塊，每塊都唔會好易散開，實用但又做到魚肉嫩滑，真係好出色🐟另外仲可以自選配料，我地簡佐海帶呢啲入味既配料，爽！