Cafe REVOL

營業中

休息中

女朋友聽朋友講話 CafeREVOL既卡邦尼意粉好正，我會鐘意食，今日就同我去左Café Revol 食個Lunch。去到見到係工業風裝修，地方唔算好大但係好乾淨整潔，好在我地早去唔駛等位就入到去。世一Revol 卡邦尼煙肉意粉叫佢世一真係一D都唔誇張，首先黎到見到個賣相已經流晒口水，蛋方面應該都係用”曉”蛋，出邊一盒曉蛋成50幾蚊一盒，呢度用曉真係誠意十足。芝士味好夠，煙肉唔會好鹹，味道平衡啱啱好，份量都好足夠，誠意推介。煙肉蛋酸種面包Brunch有菜有肉，平衝返只係得肉既油膩感，薯仔上有鹽，帶出薯仔香味。煙肉唔係平日薄薄既煙肉，好有口感，好鐘意食呢款煙肉。Latte手沖咖啡，奶同咖啡中和左個苦味，冇酸味，好飲。Tonic Fresh Lemon Ade女友好鐘意飲酸野，呢個飲完個人好清新，成杯野好有檸檬香味，又唔會太多冰，賣相好有夏日感覺。希望下次可以再去試下個全日早餐。