影片
更多
2019-06-03
58 瀏覽
返工嗰度嘅師傅為咗慶祝完成咗單project 就話要帶我去一間高質餐廳食餐好嘅 我去到銅鑼灣先知道原來就係鼎鼎大名嘅日喜樓！日喜樓係一間中高價嘅中式餐館 不論係點心 一般小炒 甚至係川菜都可以食到 位置就係位於 V point 嘅底層 有一種世外桃源嘅感覺霸王辣子雞半隻 ($158)霸王辣子雞係一道麻辣菜式 粒粒都炸得好香口 將辣椒嘅味道滲入咗雞肉入面 食完兩三粒之後感覺到條脷麻痺咗 可以話係辣得過癮咕嚕肉 ($108)日喜樓嘅小菜當然有特別之處 一食落口就知道份咕嚕肉係即炸再即炒 咕嚕肉嘅外層仲係脆卜卜 同埋沾有咕嚕肉嘅甜酸醬汁 咕嚕肉係去咗骨啖啖肉 份量亦都足夠 係水準之作羅春閣爆汁生煎包 ($78)首先值得讚係上碟嘅方式係用咗鐵板上 上碟嘅時候依然熱呼呼的味道方面簡直係一絕 甚至比上海嘅小楊生煎更加好 外層嘅皮脆卜卜 內層係上湯再加豬肉 可以營造到爆汁嘅效果 成個配搭真係十分正家鄉炸春捲 ($40)一共有三條春捲 每一條都係啱啱炸起 可以食到鮮蝦嘅味道黃金姜米鱈魚粒炒飯 ($108)黃金炒飯飯如其名 成個炒飯炒到去黃金色 加上毫不吝嗇嘅鱈魚粒同埋蛋絲 雖則望落去平平無奇 但炒飯真
日喜樓係一間中高價嘅中式餐館 不論係點心 一般小炒 甚至係川菜都可以食到 位置就係位於 V point 嘅底層 有一種世外桃源嘅感覺
霸王辣子雞半隻 ($158)
霸王辣子雞係一道麻辣菜式 粒粒都炸得好香口 將辣椒嘅味道滲入咗雞肉入面 食完兩三粒之後感覺到條脷麻痺咗 可以話係辣得過癮
咕嚕肉 ($108)
日喜樓嘅小菜當然有特別之處 一食落口就知道份咕嚕肉係即炸再即炒 咕嚕肉嘅外層仲係脆卜卜 同埋沾有咕嚕肉嘅甜酸醬汁 咕嚕肉係去咗骨啖啖肉 份量亦都足夠 係水準之作
羅春閣爆汁生煎包 ($78)
首先值得讚係上碟嘅方式係用咗鐵板上 上碟嘅時候依然熱呼呼的
味道方面簡直係一絕 甚至比上海嘅小楊生煎更加好 外層嘅皮脆卜卜 內層係上湯再加豬肉 可以營造到爆汁嘅效果 成個配搭真係十分正
家鄉炸春捲 ($40)
一共有三條春捲 每一條都係啱啱炸起 可以食到鮮蝦嘅味道
黃金姜米鱈魚粒炒飯 ($108)
黃金炒飯飯如其名 成個炒飯炒到去黃金色 加上毫不吝嗇嘅鱈魚粒同埋蛋絲 雖則望落去平平無奇 但炒飯真係炒得幾香同有鑊氣
蘋果雪梨茶 ($29 原價 $58)
晚間飲品有買一送一嘅優惠 同朋友食咗咁多煎炸嘢 就冇人飲返一杯蘋果雪梨茶解一解熱氣 賣相幾靚整到成杯cocktail咁 仲送多咗一塊蘋果片畀我
個人比較推介咕嚕肉同埋羅春閣爆汁生煎包 當然其他菜色都幾好 係一個適合三五知己一齊嚟聚會食飯嘅地方
張貼
