合十 (已結業)

今天放假輕鬆吓，約咗朋友去咗一間位於商廈的餐廳，呢度環境好chill，有室外同室內，我哋揀咗室外坐，天花板有好多閃閃燈，非常有情調。先叫兩款嘢飲我朋友揀咗熱焦糖燉蛋咖啡，賣相唔錯，我揀咗一杯名字十分搞笑的嘢飲叫粉碎性骨折，主要成份有接骨木花、薄荷葉、青檸、梳打水配雪糕，因為我對接骨木花好奇，初次品嚐感覺唔錯，有淡淡花香，好易入口，整體調得唔錯，再配上雪糕真係好滿足。小食拼盤有洋蔥圈、炸雞、炸魚餅、燒菠蘿和墨西哥脆片，三五知己一路傾偈一路食非常合適、全部炸嘢都新鮮熱辣，尤其係洋蔥圈非常好味、燒菠蘿都值得推介。巨型豬扒跟薯菜超級巨型的豬扒，之前試過再encore，豬扒keep到肉質鮮嫩，而且肥瘦均勻。再配上不同的蔬菜同大大份薯條，好滿足。香芒斑斕奶蓋瀑布蛋糕配椰子雪糕非常有東南亞格調，斑斕蛋糕感覺清新，配上芒果甜甜酸酸再加上奶蓋瀑布做賣點，再配上清新的椰子雪糕，真係不能抗拒，打卡一流。