影片
更多
2018-06-16
2975 瀏覽
星期六下晝又同Daddy食lunch。今日嚟到又一城，行咗一陣，最後Daddy話：「好耐冇去過皇后餐廳，不如去嗰度！」咁所以我哋就去咗皇后餐廳。當時一點幾，喺餐廳出邊都有一條龍，我哋喺出邊等左約莫10分鐘。排隊嗰陣時Daddy同我講佢話爺爺之前好鍾意去銅鑼灣嗰間皇后餐廳。佢話爺爺最鍾意就係去飲皇后餐廳嘅牛腰湯 - 即係牛嘅腎做出嚟嘅湯。牛腰湯係 cream base 嘅湯。可能你一聽到牛腰湯你就會覺得好騷，但係Daddy話：「皇后餐廳做嘅牛腰湯係完全冇騷味。」Daddy 又話皇后餐廳之前亦都出名食串燒。我都有好耐冇嚟過皇后餐廳，不過我記得對上一次都仲有串燒食。Daddy 又同我講：「以前如果要食西餐，一係就去一啲中式嘅西餐廳即係例如太平館，一係就去一啲俄國嘅西餐廳例如車厘哥夫、皇后餐廳。」我哋一代，可能聽到皇后餐廳個名，第一個感覺就係佢係一間香港式嘅西餐廳，因為一般香港人一提到「皇后」呢個名，你就會諗起「事頭婆」英女皇。但係原來皇后餐廳係一間典型嘅俄國式嘅西餐廳，所以羅宋湯，俄式串燒 shashlik 都係佢哋出名嘅菜式。一坐低睇到個餐牌，原來佢有lunch set。百幾蚊一個，又有湯
Daddy 又同我講：「以前如果要食西餐，一係就去一啲中式嘅西餐廳即係例如太平館，一係就去一啲俄國嘅西餐廳例如車厘哥夫、皇后餐廳。」我哋一代，可能聽到皇后餐廳個名，第一個感覺就係佢係一間香港式嘅西餐廳，因為一般香港人一提到「皇后」呢個名，你就會諗起「事頭婆」英女皇。但係原來皇后餐廳係一間典型嘅俄國式嘅西餐廳，所以羅宋湯，俄式串燒 shashlik 都係佢哋出名嘅菜式。
一坐低睇到個餐牌，原來佢有lunch set。百幾蚊一個，又有湯又有牛扒，都幾抵食。爹哋第一時間就睇一睇仲有冇牛腰湯，不過佢哋已經冇買。我有少少俾嗰個lunch set個價錢吸引着。但係既然我哋唔係成日來食，所以最後都係決定叫羊肉俄式串燒shaslik。
首先嚟嘅係羅宋湯，呢度嘅羅宋湯不嬲都好好味，今次都唔例外，湯味好濃，但係又唔會太過結，鹹啱啱好。
我哋等左大概15分鐘羊肉串燒先至來，其實落單嗰陣時，侍應都會有同我地講如果叫串燒要耐少少。係等緊串燒嗰陣時，我就趁機周圍影吓相，見到牆上面有一幅放大左嘅黑白相，就影低咗俾Daddy睇。我哋研究左一陣睇吓係唔係下野之前成日去銅鑼灣嘅餐廳，雖然相裏便嗰間皇后餐廳係喺電車路上邊，但係Daddy話應該唔係銅鑼灣嗰間。之後我哋發覺原來嗰幅大嘅黑白相，係用一幅掛喺另外一邊嘅彩色放大嘅。
期待已久嘅主菜鍾意來喇。我都係跟住Daddy嘅做法，先將羊肉由果枝串燒拆咗出嚟。如果我自己去食，肯定就會好似食日本串燒咁，直接用口咬啲肉出嚟。個串燒跟咗一個燒汁，我第一啖就將塊羊肉點左個燒汁食，覺得太鹹。之後我就索性唔點個燒汁，鹹味啱啱好。由於羊肉係醃過，所以其實唔點燒汁個味道都好夠。肉質都幾林，同埋最好係啖啖肉，完全冇骨。
裝修方面，明顯地係我上次嚟呢度之後佢係有做過翻身，不過由於我上一次都已經係N年之前，所以我都唔知究竟佢地幾時翻新過。唔可以話餐廳係啲咩好豪裝，但係整體嘅佈置都係舒服，加埋一啲舊時嘅相，比起舊式嘅中式西餐廳，都升左好多呢。
總結
- 等左約莫10分鐘
- 爺爺之前好鍾意去銅鑼灣嗰間皇后餐廳
- 個名會諗起「事頭婆」英女皇
- 原來係一間俄國式西餐廳
- 推介- 羅宋湯(冇得輸)、羊肉串燒(唔使點燒汁)
- 整體嘅佈置都係舒服
羅宋湯
77 瀏覽
0 讚好
0 留言
羊肉串燒 shashlik
92 瀏覽
0 讚好
0 留言
張貼
