奈雪の茶 (已結業)

以為纜車停咗+遊客嚟唔到香港，但實際上週末山頂仍然幾多人啦。聽聞呢間飲品店在大陸非常受歡迎，上次途經還看到一堆人在排隊。好彩近來熱情減退，終於可以來試試。言歸正傳，一入到舖頭，地下遍佈用過嘅紙巾、匙羹、膠袋等等雜物。枱上也沒有人清理（懷疑是要自行收拾？），忌廉、果肉、溶了的雪糕沾在桌子上，好嘔心。舖頭麵包嘅種類很多，都幾吸引。收銀嘅男仔幾有禮貌同埋有效率。成間舖頭，幾乎99.99%都係講普通話既，見到啲細路仔揸住雪糕筒尖叫、走來走去，唔明點解啲屋企人都懶懶閒唔理？？居然仲見到有人喺度直播。。我哋試咗個士多啤梨魔法棒，價錢有點不值。佢哋嗰種忌廉（類似喜茶）同平時我哋喺普通超羣/聖安娜/美心或者喺日本麵包店用嘅忌廉無論口感或者質感都很不同。。比較似係固體狀嘅奶蓋。食少少都OK嘅。嗰幾粒士多啤梨都幾好味。另外個杯楊枝甘露個人認為普通啦。個人始終都係鍾意天仁茗茶較為實在啲嘅味道。呢間嘢，終於明白點解會選址在山頂了。