亞龍咖喱

營業中

休息中

第一次幫襯亞龍是廿幾年前，跟舊同事兼好友嚟呢庶食，因自己一向食唔到辣，初頭只是陪佢嚟食嘅心態。每次齊齊小辣跟飯，好友定必揀牛腩。我就咖喱雞/魚/魷魚等都試過。試過幾款都係覺得牛至好味。通常我地兩個都食到呻晒鼻水咁。在我而言，自己只食到bb辣，每次嚟幫襯都覺係食同好友之間嘅開心回憶，咱們都是念舊嘅人。呢幾年疫情，好友坐隔離監時，都一樣咁掛住亞龍，牛腩小辣跟飯，係佢嘅至愛。試過觀塘走落佐敦買亞龍再運去荃灣俾好友，响疫情中食到自己喜歡嘅食物，幫佢打氣，真係可充滿力量，所以亞龍都係好好嘅打氣美食之一嚟人終需要一些關懷喔今日就陪好友亞仔嚟，幾歲嘅靚仔可愛小朋友，今天長得比我還高大囉，時間真係飛逝。今天好高興可以齊齊相聚進餐。對我嚟講是世紀見面嚟亞龍之約-點返靚媽嘅口味一份。另一份點左，咖喱牛筋，小辣跟薄餅。再散叫左兩份甜薄餅同罐可樂。咖哩牛筋我鍾意，亞仔鍾意咖哩牛腩。咱們都覺得散叫嘅甜薄餅好正亞龍咖喱今天重屹立响佐敦，依然咁鍾意佢嘅咖喱，希望有日可以同好友一家四口就嚟幫襯嘆完亞龍，再行左落果欄睇水果，蔬菜，買埋椰青飲，大滿足相信好快又嚟亞龍