上海廳1930 (已結業)

放工朋友相約於黃大仙會面，食東西。 我就希望可以坐耐啲，話曬咁耐冇見可以傾多啲計 朋友就建議不如食中菜，我哋 揀咗一間中菜館，位於地鐵站附近地理上好方便。我哋點了，小籠包，生煎包及排骨擔擔麵。第一樣嚟嘅就係小籠包，好明顯係即叫即蒸，新鮮度十足，放咗喺度一陣，外皮開始 變化，係時候食啦。 用筷子一夾，最重要外皮完全冇爛， 咬落充滿肉汁。第二章就係排骨擔擔麵，排骨香脆可口，至於擔擔麵最重要嘅就係湯底，湯底濃郁充滿花生味 ， 辣到剛剛好 ，唯一美中不足就係個面比較淋，口感無我想像中咁好。最後一樣就係生煎包，都係新鮮咁做，最值得讚賞嘅就係麵包底夠曬香脆，加上麵包皮做得好，完全唔癡牙，值得嘉許。雖然唔係食咗好多嘢，但係真係飲咗好多杯茶，下次都會再來，因為佢唔會吹我走。