影片
更多
2018-11-13
145 瀏覽
係兩年前，同另一半黎呢到光顧過一次，覺得野食唔錯，環境氣氛都係，是日係我地兩個既拍拖紀念日，日子特別，就特登返黎呢一間餐廳慶祝！餐廳環境同我地兩年前食冇咩點變過，依舊係IPAD落單，酒同食物分開兩個MENU，選擇十分多，入面有霓虹燈、摩天輪做裝飾，燈光偏暗同柔和，咁岩被分配坐返兩年前坐既位附近，值得開心係同行既另一半依舊都係兩年前既果位餐牌今次我地就冇食返2年前食既野，雖然回味既話係應該嗌返一樣既野食，但今日我地想試下佢其他菜式。仲有多左個非常吸引我既巴黎鐵塔甜品，2年前冇呢款。Nuts fee $10/位黎呢啲Club/Bar形式既餐廳，當然要一邊食花生一邊飲酒傾計先有意思，店員仲會不斷幫你Refill。Red Wine Carta Vie ja Merlot $298(Bottle)好少叫紅酒/白酒飲，因為今日係特別日子，所以另一半揀左一枝價位承擔到既紅酒，雖然我地頭盤食生蠔，但因為主食會食肉，所以最後都係揀左枝紅酒，點左一枝2017 Chile既Carta Vie ja Merlot。我就真係唔太識飲酒，紅酒實在太多學問，我當然唔會係到班門弄斧，以我唔係太飲酒同埋唔係太中意紅酒苦
餐廳環境
同我地兩年前食冇咩點變過，依舊係IPAD落單，酒同食物分開兩個MENU，選擇十分多，入面有霓虹燈、摩天輪做裝飾，燈光偏暗同柔和，咁岩被分配坐返兩年前坐既位附近，值得開心係同行既另一半依舊都係兩年前既果位
餐牌
今次我地就冇食返2年前食既野，雖然回味既話係應該嗌返一樣既野食，但今日我地想試下佢其他菜式。仲有多左個非常吸引我既巴黎鐵塔甜品，2年前冇呢款。
Nuts fee $10/位
黎呢啲Club/Bar形式既餐廳，當然要一邊食花生一邊飲酒傾計先有意思，店員仲會不斷幫你Refill。Red Wine Carta Vie ja Merlot $298(Bottle)
好少叫紅酒/白酒飲，因為今日係特別日子，所以另一半揀左一枝價位承擔到既紅酒，雖然我地頭盤食生蠔，但因為主食會食肉，所以最後都係揀左枝紅酒，點左一枝2017 Chile既Carta Vie ja Merlot。我就真係唔太識飲酒，紅酒實在太多學問，我當然唔會係到班門弄斧，以我唔係太飲酒同埋唔係太中意紅酒苦澀味既人黎講，呢枝酒入口唔會覺得辛苦同嗆口，幾滑口，好適合飲紅酒初哥者飲。
法國生蠔 $9/隻、$54/6隻
品種係Gillardeau Oyster，$9/隻真係好抵食，本身怕會腥，因為始終係較平既生蠔，但上枱見到都唔算好細隻，呢款味道係海水味較重，偏咸啲，唔係豐滿奶滑類型，但以$9黎講收貨。
霸王軟殼蟹配法式紅醬意粉 $128
霸王軟殼蟹配法式紅醬意粉
$128
7 瀏覽
0 讚好
0 留言
霸王軟殼蟹配法式紅醬意粉
$128
4 瀏覽
0 讚好
0 留言
霸王軟殼蟹配法式紅醬意粉
$128
5 瀏覽
0 讚好
0 留言
軟殼蟹原集上，外層炸到脆口，薄薄一層炸皮，內裡都幾多肉，而且肉質唔會炸到老左，整體好香口，意粉份量不少，不過意粉可以更加濃味，蕃茄味唔夠出，意粉較淡味。
美國雙層芝士海鮮薄餅 $118
主要係蝦同蜆肉，呢到既薄餅係長方型版，唔係傳統既圓型。師傅好平均地將蝦同蜆肉放係每一格，上面再鋪上火箭菜，薄餅十分薄身，但以我黎講，我覺得佢唔似薄餅，反而似薄脆餅乾，因為個底烘得十分脆口，有如餅乾而唔係麵包既口感，相對上我會中意食返麵包口感多啲，但如果你中意脆口既，可能會適合你。
極上12安士炭燒安格斯牛仔骨 $158
餐廳選用左美國一級安格斯牛，會配上喜瑪拉亞山岩鹽。牛仔骨仲有用迷迭香、鼠尾草、百里香作調味，望落去油脂分佈幾平均，肉質熟成度剛好，唔會過生過熟，不過筋位較多，有啲位比較難咬，同埋牛肉味唔重，個人都中意沾上喜瑪拉亞山岩鹽更加能夠提升肉質既鮮味。所配既焗薯有加入芝士，做到微微拉絲效果。
The Love of Eiffel $218
The Love of Eiffel
$218
10 瀏覽
0 讚好
0 留言
The Love of Eiffel
$218
4 瀏覽
0 讚好
0 留言
The Love of Eiffel
$218
1 瀏覽
0 讚好
0 留言
The Love of Eiffel
$218
3 瀏覽
0 讚好
0 留言
The Love of Eiffel
$218
4 瀏覽
0 讚好
0 留言
The Love of Eiffel
$218
3 瀏覽
0 讚好
0 留言
The Love of Eiffel
$218
6 瀏覽
0 讚好
0 留言
好期待既一刻，因為有某程度上係為左呢個甜品而黎，我自己本身好中意巴黎鐵塔，知道呢到係有個巴黎鐵塔甜品，好興奮同好期待！店員拎過黎之後仲會玩啲新野，就係加水落乾冰營建煙霧迷漫既氣氛，非常浪漫，亦都真係好靚。巴黎鐵塔上有兩層放滿不同既甜品，上層3款印有圖片既馬卡龍，味道有檸檬、開心果、花生，入口即化，唔會太甜，仲有幾款唔同既朱古力，有白朱古力、牛奶朱古力、酒心朱古力、咖啡朱古力等等。而下一層則放上甜品杯同埋泡芙，甜品杯有芒果慕絲同抹茶慕絲，味道正常，泡芙有柚子、朱古力同原味，外層較為軟左啲，但忌廉幾幼滑。本身驚呢個甜品塔會得個樣，估唔到甜品類都幾高質幾有驚喜，絕對值得叫！
超級滿足，唔單止食得仲要睇得，中意黎呢到既原因仲有因為呢到既坐位真係十分寬敞，仲要係梳化凳，坐得好舒服，再加上有氣氛既環境，同另一半黎真係好岩，當然，同朋友/閨蜜們黎盡訴心中情都好適合。要挑剔既可能係野食等得比較耐，生蠔大約等左半小時先上枱，可能係等熱食整得差唔多先上，因為等完生蠔上枱後，野食就陸續到，如野食上枱時間能更快就更好。
張貼
