鳴門日本料理 (已結業)

昨晚跟兩位友人來飯聚，七時許來到，唔駛等位，但坐佐大約半個鐘左右，人流不斷，有人甚至企響我隔離等另一張走，食得好唔自然。 我們三人先叫了珍珠蠔刺身(個waitress話係飛機貨)，跟著三文魚壽司、蛋壽司、魷魚壽司同腐反蟹籽沙律壽司，另點了雞軟骨和牛串燒(斷串計)，再加招牌菜白飯魚雜菜餅。味道尚可，最好味係雜菜餅，炸漿和配料分量剛好，又唔會吃到成口油，不過食唔出有白飯魚囉。第二輪點菜要了金菇牛肉卷、汁燒魷魚筒和炒雜菜，味道不過不失，冇乜驚喜，惟魷魚真係好新鮮，略嫌燒得太乾身，有少少韌。 整體服務誠懇有禮，但上菜速度極級慢，第一輪要40分童才上齊，其他的客人好多都等得唔耐煩，催o左幾次，但佢話因為即叫即制，所以會較耐；另外是趕客走，但體諒的，因為店子細，又多人等位，想做多幾輪很自然。價錢方面，埋單400多少少，但覺得價錢偏高，有機會的話，都會考慮再來試下其他菜式。