27
18
11
餐廳: 新源興燒臘茶餐廳
資訊:

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
等級4
125
0
中上既梅菜扣肉飯
2017-08-17 3219 瀏覽
雖然公司係附近,但次次都係去隔離果間食粥,依度一次都未去過.依間舖頭伙記得幾老實,我點咗個梅菜扣肉飯,話要跟湯.佢話唔記得開爐,所以湯唔熱架喎,使唔使轉飲品.因為天氣熱,湯涼少少都無所謂啦,我咪照要湯囉.湯送到既時候我都預佢係涼甚至係凍既,點知完全無問題喎.同我係出面飲既一樣吖,唔係熱到大滾咁解啫. 好彩無轉飲品,菜乾湯有淡淡菜乾香味,微酸,但我覺得對菜乾湯嚟講係正常既.可能因為肉少,湯唔夠甜.梅菜扣肉飯到喇,先唔講肉,終於午飯時間食到唔係黐埋一舊舊既飯,原來粒粒分明唔係必然,但係好多地方都做唔到.梅菜吸晒汁既味道,好滋味.扣肉好蝦人整,肉既部份好易煮得過乾.其實舊肉一夾上手已經知道乾乾地,但係離柴皮仲有好遠,已經算係中上.我食過太多扣肉都係肉既部份乾到柴皮.食扣肉一定預咗好肥膩,依份扣肉有差唔多一半都係肥膏,油份好多,索晒啲汁.中意食梅菜扣肉既人應該會非常中意.
更多
雖然公司係附近,但次次都係去隔離果間食粥,依度一次都未去過.依間舖頭伙記得幾老實,我點咗個梅菜扣肉飯,話要跟湯.佢話唔記得開爐,所以湯唔熱架喎,使唔使轉飲品.因為天氣熱,湯涼少少都無所謂啦,我咪照要湯囉.
菜乾湯
48 瀏覽
0 讚好
0 留言
 湯送到既時候我都預佢係涼甚至係凍既,點知完全無問題喎.同我係出面飲既一樣吖,唔係熱到大滾咁解啫. 好彩無轉飲品,菜乾湯有淡淡菜乾香味,微酸,但我覺得對菜乾湯嚟講係正常既.可能因為肉少,湯唔夠甜.
梅菜扣肉飯
158 瀏覽
0 讚好
0 留言
 梅菜扣肉飯到喇,先唔講肉,終於午飯時間食到唔係黐埋一舊舊既飯,原來粒粒分明唔係必然,但係好多地方都做唔到.梅菜吸晒汁既味道,好滋味.扣肉好蝦人整,肉既部份好易煮得過乾.其實舊肉一夾上手已經知道乾乾地,但係離柴皮仲有好遠,已經算係中上.我食過太多扣肉都係肉既部份乾到柴皮.食扣肉一定預咗好肥膩,依份扣肉有差唔多一半都係肥膏,油份好多,索晒啲汁.中意食梅菜扣肉既人應該會非常中意.
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2017-07-21
用餐途徑
堂食
用餐時段
午餐
推介美食
梅菜扣肉飯