令酒場 (已結業)

呢間日本餐廳裝修都幾日式，簡簡單單，坐得幾舒服。同同事一人叫佐一個午市套餐，我叫佐角切魚生丼，呢個好豐富呀，入面有多款刺身，有赤身、三文魚、劍魚腩、金目鯛、深海池魚、油甘魚、三文魚籽，每款都唔會因為係角切而唔新鮮，啖啖鮮味，好鮮甜既刺身，一啲腥味都無，一個丼飯份量岩岩好呀👍🏻同事就叫佐溫泉蛋火山牛肉丼，一上枱已經勁震撼，成個飯都係牛肉鋪滿面，啲牛肉燒到岩岩熟，入口勁嫩滑，仲好重牛味，再同流心既溫泉蛋撈埋一齊，口感更粘口更好食，仲有啲沙律醬係面，味道更提升呀🫶🏻呢度既午市套餐都會送沙律，茄子同麵豉湯，份量少少，做前菜就岩岩好，份量味道岩晒！