影片
更多
2021-03-07
1171 瀏覽
以前夜晚去飲茶食點心係一件無乜可能發生嘅事，但近年愈來愈多點心店，夜晚歎茶變成好多人日常。呢間點心店位置唔係咁起眼，但內𥚃算光猛企理乾淨。有三款茶選擇，選左蕎麥茶，第一次飲，好甘香，飲落好舒服。叫左3款點心。叉燒包外型係傳統嗰隻，香噴噴新鮮蒸起，個皮軟綿，𥚃面叉燒饀份量同甜度適中，熱辣辣好唔錯，正宗香港comfort food。蝦餃比正常細少少，皮薄，裡面個餡就一般，唔係咁多汁，無乜筍嘅鮮味，一般。相反紫薯咸水角係驚喜之作：首先剛剛炸起，好新鮮，炸得乾身唔油。𥚃面有好香嘅紫薯蓉，加埋傳統咸水角餡料，一流！咸魚肉餅飯，飯蒸得剛好，粒粒分明，咸魚幾香，肉餅滑溜，但可能落得太多生粉，肉味稍欠奉。除左點心，仲有幾款小菜供應。埋單$120左右，中上環開心價，性價比高。最重要係呢度夜晚食夠靜唔嘈，非常唔錯！
呢間點心店位置唔係咁起眼，但內𥚃算光猛企理乾淨。有三款茶選擇，選左蕎麥茶，第一次飲，好甘香，飲落好舒服。
叫左3款點心。叉燒包外型係傳統嗰隻，香噴噴新鮮蒸起，個皮軟綿，𥚃面叉燒饀份量同甜度適中，熱辣辣好唔錯，正宗香港comfort food。
蝦餃比正常細少少，皮薄，裡面個餡就一般，唔係咁多汁，無乜筍嘅鮮味，一般。相反紫薯咸水角係驚喜之作：首先剛剛炸起，好新鮮，炸得乾身唔油。𥚃面有好香嘅紫薯蓉，加埋傳統咸水角餡料，一流！
咸魚肉餅飯，飯蒸得剛好，粒粒分明，咸魚幾香，肉餅滑溜，但可能落得太多生粉，肉味稍欠奉。
除左點心，仲有幾款小菜供應。埋單$120左右，中上環開心價，性價比高。最重要係呢度夜晚食夠靜唔嘈，非常唔錯！
張貼
