影片
更多
2019-06-29
32 瀏覽
#鳴越越式料理 (中環)中環德輔道中144-148號安泰大廈地庫-----呢間鳴越 其實B仔已經唔係第一次光顧 地點位於中環同上環中間 附近好多商業大廈 所以lunch time成日都好逼 B仔通常夜晚先黎食～😝夜晚如果店鋪未full 店員盡量都會安排兩個人一張闊卡位俾你 所以坐得好舒服 係B仔中意佢ge其中一個原因😊-豬扒撈檬 （$66 Dinner set-包飲品）中上環黎講 呢度ge Dinner set價錢實在係有良心得很 味道方面 撈檬靈魂所在ge碌冧(撈檬用ge魚露酸甜汁)調製得非常美味 撈埋青瓜絲 紅蘿蔔絲 白蘿蔔絲 炸乾蔥片 青蔥粒 花生碎同芽菜黎食 入口非常清新 夏天食好舒服 另外值得一讚ge係撈檬俾得非常大方 份量多到幾乎係兩人份 而豬扒亦非常高質 入口軟腍 香茅味濃 肥瘦適中 整體CP值極高～😊-蒸粉卷（Dinner set-加$20有三件）上檯時非常熱騰騰 粉卷皮晶瑩通透 口感帶少少彈牙 餡料有沙葛 肉碎 木耳絲 等等 食落胡椒味較重 中意胡椒味ge朋友仔應該會中意（B仔個人唔特別中意胡椒味 但同行ge朋友仔就好中意）🤪-特色腐乳炒通菜 （$62）雖然個名叫特色
中環德輔道中144-148號安泰大廈地庫
-----
呢間鳴越 其實B仔已經唔係第一次光顧 地點位於中環同上環中間 附近好多商業大廈 所以lunch time成日都好逼 B仔通常夜晚先黎食～😝夜晚如果店鋪未full 店員盡量都會安排兩個人一張闊卡位俾你 所以坐得好舒服 係B仔中意佢ge其中一個原因😊
-
豬扒撈檬 （$66 Dinner set-包飲品）中上環黎講 呢度ge Dinner set價錢實在係有良心得很 味道方面 撈檬靈魂所在ge碌冧(撈檬用ge魚露酸甜汁)調製得非常美味 撈埋青瓜絲 紅蘿蔔絲 白蘿蔔絲 炸乾蔥片 青蔥粒 花生碎同芽菜黎食 入口非常清新 夏天食好舒服 另外值得一讚ge係撈檬俾得非常大方 份量多到幾乎係兩人份 而豬扒亦非常高質 入口軟腍 香茅味濃 肥瘦適中 整體CP值極高～😊
-
蒸粉卷（Dinner set-加$20有三件）上檯時非常熱騰騰 粉卷皮晶瑩通透 口感帶少少彈牙 餡料有沙葛 肉碎 木耳絲 等等 食落胡椒味較重 中意胡椒味ge朋友仔應該會中意（B仔個人唔特別中意胡椒味 但同行ge朋友仔就好中意）🤪
-
特色腐乳炒通菜 （$62）雖然個名叫特色腐乳 但無諗過個味同普通腐乳真係有唔同😂呢度ge腐乳味道帶蝦醬味 兩者比例大概係5：5 而蝦醬同腐乳都係好鹹好重口味ge醬 份量一控制得唔好 就會好鹹 但係呢碟通菜就無出現呢個問題 味道調得恰到好處 令通菜味道清得黎又唔會太單調 😋
-
香茅串燒豬頸肉（$36- 3串) 豬頸肉非常厚切 質感頗嫩 帶少少蜜糖味 甜甜地 其實唔使點醬已經好食 不過點埋配搭ge特製沙爹花生醬整體味道就更多層次 先甜後鹹 幾得意😝
-----
👶🏻B仔整體評價：8/10個👍🏻
👶🏻B仔抵食程度：8/10個👍🏻
👶🏻B仔環境評分：7.5/10個👍🏻
（座位寬闊 卡位多 好坐）
👶🏻B仔味道評分：8/10個👍🏻
👶🏻B仔回頭機會：8/10個👍🏻
-----
張貼
