影片
更多
2019-04-02
301 瀏覽
餐廳新開幾個月都未同老公黎食過，緊係同佢一齊去試下。餐廳新裝修一定光猛潔淨，不過坐2人卡位如果點得太多嘢食會唔夠位擺。一坐低店員會擺低一人一杯伴菜，有香葉，辣椒同芽菜。錦麗綜合粉($66)。湯頭都算清甜，有牛丸，牛肉片同牛腩。河粉係偏幼類型，都掛到湯汁。連埋越南特有嘅芽菜食就好滿足。越式咖哩牛筋腩飯($66)。份量超多，咖哩好香椰汁味，唔算太辣。除咗牛筋牛腩，仲有車厘茄，薯條，菠蘿同洋蔥。所有食物切到一口大細，方便食用。越式炸春捲($38)。春捲皮煙煙韌韌口感好特別。入面有粉絲肉碎木耳絲等， 用生菜包住食可以減低油膩感。熱玫瑰龍眼茶($20)。超足料，有好多龍眼肉響底，不過甜得滯，加水沖多一杯都得。總結係，都算大件夾抵食。
一坐低店員會擺低一人一杯伴菜，有香葉，辣椒同芽菜。
錦麗綜合粉($66)。湯頭都算清甜，有牛丸，牛肉片同牛腩。河粉係偏幼類型，都掛到湯汁。連埋越南特有嘅芽菜食就好滿足。
越式咖哩牛筋腩飯($66)。份量超多，咖哩好香椰汁味，唔算太辣。除咗牛筋牛腩，仲有車厘茄，薯條，菠蘿同洋蔥。所有食物切到一口大細，方便食用。
越式炸春捲($38)。春捲皮煙煙韌韌口感好特別。入面有粉絲肉碎木耳絲等， 用生菜包住食可以減低油膩感。
熱玫瑰龍眼茶($20)。超足料，有好多龍眼肉響底，不過甜得滯，加水沖多一杯都得。
總結係，都算大件夾抵食。
張貼
