古今二 (荃灣千色匯I)

營業中

休息中

荃灣附近有好多親子嘅遊樂場，玩完就係附近搵食，見到有間和食都啱小朋友，份量都夠多，一於去試下。龍卷風沙律🅰️🅰️🅰️🅰️：份量極多😱，上層可見蟹柳蟹籽份量跳都不在話下，下面仲唔係只係舖菜，而係仲有中華沙津係底，好多嘢食，我個小朋友食得好開心。不過呢個沙律有少少辣，呢樣要有少少留意（不過我小朋友鍾意辣😂）超級龍卷風🅰️🅰️🅰️🅰️🅰️蜘蛛🅰️🅰️🅰️🅰️：我地叫左兩樣創意嘅手卷，可以一齊講講🥰。食材配搭唔同當然係亮點，鰻魚、芝士配脆蝦；泡菜同軟殼蟹，睇嚟佢地都好擅長玩唔同嘅味道同口感配合。呢一點令我對佢地其他飯團有信心。👏🏻👏🏻👏🏻雜錦天婦羅🅰️🅰️🅰️🅰️最後講一講天婦羅，話哂都係創新嘅餐廳，天婦羅都有特別，其中就想講下秋葵，因為估唔到裡面有蝦膠，幾有驚喜🧐，秋葵軟身加蝦膠彈牙，唔同嘅口感幾正，不過我覺得蝦膠再咸多少少會好d。呢間居酒屋走中價價位，但係做出嚟嘅菜式有創意，份量足，會同出面一式一樣嘅日式居酒屋有分別。又唔會話為左創意而味道奇怪，呢間幾推介大家嚟試下d創新料理。