南小館 (青衣城2) (已結業)

有時人真係要信命運，上次來過食唔到架野；就不要心思思再來，上天已比了一次機會你。有時食唔到反而更好，還有幻想；食得到，卻偏偏中伏！今期推介係特式松子魚，我的至愛。點知，這次是我食過最難食架一次，大廚唔識整，無心整就咪做。賣相絕對可以呃Like, 色相俱全。我也明白百物騰貴，松子當然少到數得出。先說汁，只有色無味，平常在其他地方食架也會有醒胃架感覺，今次好像食人工色素一般。廚師刀工不錯，正路應該好食，點知硬到好似翻炸燒豬皮，黐哂牙。我絕對可以肯定一位對食物無Heart架人，先會炸定條魚，係度風乾。有客叫才加汁上菜，當然難食到十級，難道特色松子魚其實是風乾咸魚走調味？最後一提這兒的服務也有點怪怪，客人好忙玩手機，服務員過來加茶，只說：手！