影片
更多
2019-04-20
287 瀏覽
睇見有咁多好評，生日飯就決定去試吓。去到侍應服務唔錯可能因為無乜客。差唔多三百蚊一個扒應該唔會太差啩。落單嗰時問侍應可唔可以唔要牛油，侍應話可以。塊扒嚟到真係懷疑眼睛。一. 插住大大塊牛油二. 塊扒黑到以為”燈光問題”但點睇都睇唔清楚。算！好食就得啦。用叉一叉落去，已經知道唔係3成，切開睇D血都未回返嚟，要過一陣D肉先慢慢紅返。同侍應講完唔係3成熟，佢成碟拎走再將塊比人喺中間切開咗一半嘅扒原壁歸趙。侍應堅稱係3成熟，仲話塊扒切開係有”血水”同”肉汁”如果要一切開爆血水同肉汁我需要叫7成哈，真係孤陋寡聞，原來7成切開會【爆】肉汁我真係唔知，因為從來只會食3成熟仲叫我同佢去廚房睇塊扒真係3成熟，又一次新體驗，同個客死拗，仲話因爲「燈光問題」要同你去廚房睇係咪3成熟！侍應有問過吓係咪要換一份，但本身原材料唔得，點換都係唔得，所以無換到。況且有誠意都唔需要問啦？食食吓又走埋嚟幾次不停強調佢塊嘢有3成，你明知我嚟食生日飯就唔好係咁騷擾我啦，仲搞到好似我屈你咁好夾硬食晒塊扒，配菜、嘢飲、甜品全部都唔得，唯一正常係個沙律🙄
去到侍應服務唔錯可能因為無乜客。
差唔多三百蚊一個扒應該唔會太差啩。落單嗰時問侍應可唔可以唔要牛油，侍應話可以。
塊扒嚟到真係懷疑眼睛。
一. 插住大大塊牛油
二. 塊扒黑到以為”燈光問題”但點睇都睇唔清楚。
算！好食就得啦。
用叉一叉落去，已經知道唔係3成，切開睇D血都未回返嚟，要過一陣D肉先慢慢紅返。同侍應講完唔係3成熟，佢成碟拎走再將塊比人喺中間切開咗一半嘅扒原壁歸趙。
侍應堅稱係3成熟，仲話塊扒切開係有”血水”同”肉汁”
如果要一切開爆血水同肉汁我需要叫7成
哈，真係孤陋寡聞，原來7成切開會【爆】肉汁我真係唔知，因為從來只會食3成熟
仲叫我同佢去廚房睇塊扒真係3成熟，又一次新體驗，同個客死拗，仲話因爲「燈光問題」要同你去廚房睇係咪3成熟！
侍應有問過吓係咪要換一份，但本身原材料唔得，點換都係唔得，所以無換到。況且有誠意都唔需要問啦？
食食吓又走埋嚟幾次不停強調佢塊嘢有3成，你明知我嚟食生日飯就唔好係咁騷擾我啦，仲搞到好似我屈你咁
好夾硬食晒塊扒，配菜、嘢飲、甜品全部都唔得，唯一正常係個沙律🙄
張貼
