越滿 (已結業)

見好耐冇食越南野，今日喺旺角上完瑜伽去咗試e間。叫咗菠蘿豬頸肉炒飯、生牛肉湯河，同埋炒芥蘭苗。上菜比較慢，大概等左20分鐘，先至上第一味菠蘿豬頸肉炒飯，賣相好得：豬頸肉燒到金黃色，而且熱辣辣，但啲飯只是微䁔，同埋個心有啲硬，好似煮唔熟咁。👎🏻生牛肉湯河d牛肉比較un, d湯完全冇牛味，唯一可取嘅係d粉切得好幼細。至於炒芥蘭苗，又老又唔熟，如果未試過食半生熟芥蘭嘅朋友仔可以試吓叫，不過我哋就食淨左大半碟👎🏻👎🏻👎🏻7:15pm到，本來好好奇點解啲d枱得一半滿，食到一半疑團已經完全解開。