利寶閣 (已結業)

之前從未試過喺openrice打食評，但今次真係忍唔住！！！同屋企人去利寶閣（奧海城）分店食晚飯，叫咗個四人餐餐牌價錢係＄1,288，雖然當時晚市但得兩三圍客，叫極都無人落單。落單時問咗個餐係跟花膠雞湯，但嚟到變咗豬肚湯，之後同個經理講，佢就話俾番四碗細花膠雞湯做補償，但d湯好似味精水咁勁難飲，我同屋企人都飲唔落口（我屋企人已經係對食物已經係無乜要求嘅人😑）...之後龍蝦伊麵又勁難食，d龍蝦係霉嘅，d伊麵一patpat林晒，條魚上枱勁細條，仲蒸到老哂鞋口嘅，都算！我同屋企人一路食大家都默默忍受咗...後尾個薑葱蠔勁耐都未嚟，問咗個女待應幾次都叫我哋等陣，結果佢居然直接上糖水！我哋話d嘢食都未嚟齊點解上甜品，佢就話再去問下，後尾終於等到d蠔，結果係生嘅仲要係凍嘅（好似未解凍咁），一咬落口全是臭水我當堂想嘔!🤬🤬我人生中真係從未食過咁難食嘅蠔！係完全食唔到落口嘅！勁嬲！價錢已經唔係問題，老人家叫我哋算，當唔好彩！結果埋單嗰陣個餐＄1288（加兩支啤酒），佢居然收我哋＄18xx，仲唔俾單我哋，後尾要求check單發現佢d單完全係亂打，仲要計埋個經理自己話送番俾我哋嗰四小碗好勁難飲嘅雞湯（二百