影片
更多
2019-01-05
260 瀏覽
去完隔離既「骨煲皇」打完邊爐就順手食個甜品，見附近有間糖水鋪就一行四人入左去幫襯。餐牌款式不算多，鐘意食榴槤既我梗係叫左榴槤公主，而朋友就叫左芒芒小丸子、椰王燉 3.6 牛奶蛋白、香蕉士多啤梨雪糕窩夫。榴槤公主 ($48) : 面頭係榴槤肉同布甸啫喱，而下層就係奶凍 ; 味道正正常常，不過榴槤肉再多啲就更好。而叫左椰王燉 3.6 牛奶蛋白既朋友仔，佢話好難食，所以食咗一半就放低咗 ; 而我就試左幾啖芒芒小丸子，芒芒小丸子睇落色水好深色，深色到係橙色咁濟，唸住都會幾濃味吓，點知一食只食到係一啲接近無味既沙冰，真係超失敗同失望。如果單計自己個糖水，味道我都會比兩星，但整體黎講試埋朋友果啲之後，都係比返一星會更貼切。
餐牌款式不算多，鐘意食榴槤既我梗係叫左榴槤公主，而朋友就叫左芒芒小丸子、椰王燉 3.6 牛奶蛋白、香蕉士多啤梨雪糕窩夫。
榴槤公主 ($48) : 面頭係榴槤肉同布甸啫喱，而下層就係奶凍 ; 味道正正常常，不過榴槤肉再多啲就更好。
而叫左椰王燉 3.6 牛奶蛋白既朋友仔，佢話好難食，所以食咗一半就放低咗 ; 而我就試左幾啖芒芒小丸子，芒芒小丸子睇落色水好深色，深色到係橙色咁濟，唸住都會幾濃味吓，點知一食只食到係一啲接近無味既沙冰，真係超失敗同失望。
如果單計自己個糖水，味道我都會比兩星，但整體黎講試埋朋友果啲之後，都係比返一星會更貼切。
張貼
