找餐時間 (已結業)

去開西營盤，經過文青feel嘅餐廳，就入去試下，點知中伏。叫咗溫泉蛋叉燒冷麵同煙肉蛋冷麵同家人食。溫泉蛋叉燒冷麵，叉燒係廣東燒味嘅叉燒，幼細到好似手指尾咁細，一共5件，加幾粒粟米，叫咗麻醬汁但無乜醬，好乾！無乜餸！另一個煙肉蛋冷麵，大片一啲，但一睇就知係平價嘅煙肉，即係平價早餐至食到嘅肉，又係叫咗麻醬，當然都係無汁無味啦！食完好似無食過咁，份糧太細，唔覺飽囉！一個lunch無嘢飲只有2個麵，仲咁難食，$110.....中曬伏，好無誠意嘅食材同味道，以後唔會再去。