廉記冰室 (春園街) (已結業)

每次同大少響灣仔食飯，都見到呢一間茶餐廳大排長，我哋已經響度諗，唔通又平又好食？因為疫情關係，所以好多食店都人龍不在，我哋有機會就去試吓呢一間茶餐廳。入到去個感覺已經好似好污糟。雖然無違反限聚令，但係店舖為咗做生意，每一張枱都座到密密麻麻，要搭枱，雖然中間有一塊板隔開，但係塊板有唔夠長，其實隔唔晒，可以望到對面食客。我哋已經覺得店舖為咗做生意，都唔理食客嘅衛生安全。我哋嗌左豆腐卜蒸腩片同埋薯仔排骨飯。味道唔係好食，價錢亦都係唔抵。60幾蚊，響灣仔已經有好多地方選擇。我哋覺得中咗大伏，唔明點解以前有咁多人排隊，價錢唔抵，味道亦唔好食.......一個字，伏☹️