James Kitchen (已結業)

James Kitchen剛開既時候試過兩三次, 水準好好, pasta 同甜品唔錯, 對呢間餐廳印象不錯情人節今年有事無得係屋企煮飯仔, 唸住試下佢個情人節套餐啦, 價錢1088 + 10% charge, 都可接受啦, 點知估唔到, 食物水準大插水...頭盤至個湯都只係微暖, 味道偏咸, 主菜個塊牛扒細(得6-7oz) 不單止, 而且咸到呢, 以為奄左三日先煮...食得好辛苦, d 配菜又少, 賣相又似茶餐廳, 又唔知點解無厘頭又加舊紫薯蓉, 又咸又甜, 大佬唔係樣樣加紫薯都match 架個豬就比牛扒好少少, 但份量都係嫌少, 俾600 位 蚊食d 咁既野真係好唔值, 雖說情人節套餐一定唔會抵食得去邊, 但至少都俾返d 質素丫好彩, 甜品都算keep 到如果唔係真係二百蚊都唔值...唔想呢d 大節日你另一半難受, 千其咪試呀!再睇返, 原來做左團購, 唔怪得差左咁多, 睇黎無餐廳經過團購洗禮後水準會keep 到...