鴨子園 (已結業)

原本呢間鴨子園唔開早市，之後我喺Openrice 見到開始有啲粉麵早餐$28，所以今日打算試下。點知，無咁平，得啲點心（所以Openrice 信不信由你啦）。都算，試下新嘢。見環境幾舒服，裝修幾有中國特色，又安排我地坐卡座。飯$13，好平，叫咗2個，另外叫咗啲點心。但點心全部唔好食。個菜苖餃望上去好大隻，但一食... 原來是皮厚到呢...好淡幾乎無調味。另外個小籠包，都好失望。首先賣相唔ok，而且皮好厚，啲肉似是平時菜肉餃的肉，呢啲都叫小籠包？內面的汁都唔多。唔好食。另外叫咗個雜粮糕... um... 似麵包多啲。不過都無咁中伏的蒸飯，$13 一個。鳳爪排骨飯多材料，但肉餅飯塊肉塊就好縮水。但千萬不要為鳳爪排骨黎，因為過咗一陣，隔離台想叫，已經無晒！但心諗，點心有鳳爪有排骨，飯唔會無啦，咁點解就無得買「鳳爪排骨飯」？叫貴野啦！3個人結帳$153，不是貴，但附近早餐大把選擇，而且質素真心一般。