譽小館 (已易手) 新餐廳

今晚興起想食點心，點知食咗一餐非常難食既晚餐，呢間舖好耐之前食過一次都唔錯，所以再嚟食，可惜不復之前。叉燒腸粉，腸粉皮好糊口，無咩餡好少叉燒，似食齋腸粉咁；菜苗餃+棉花雞淡而無味；叉燒包算正常，但唔算得上好食；最超難食係蘿蔔千絲酥，我真係未食過咁難食，皮厚得嚟似翻熱，又係無味，唔係睇到有DD蘿蔔絲，都唔知自己食緊咩，想試即人千期唔好叫嚟食。成餐至正常真係似出面酒樓點心，應該得山竹牛肉一樣好食，其他真係似醫院餐，淡而無味，完全食唔出係點心，咁差既質素，無下次啦。