影片
更多
2024-01-11
305 瀏覽
之前有食過豆乳狂人既粢飯，雖然價錢偏貴，但真係好足料同好食嘅。今次下午茶時間路過，就諗住買隻黎過下口癮，揀咗“拉芝炸蛋”，因為無圖片，我無估計到佢係炸既粢飯:-I以為係有炸既餡料先叫呢個名…咁打開見到2件炸飯糰都無野既，諗住試下囉，但因為炸過，啲糯米變咗飯焦既口感同會癡牙，亦都變咗無咗糯米香，頭尾位置無餡就會覺得無味。佢有提供叉俾你食，但其實因為外面炸咗，比較乾，會一叉就散，無乜作用，然而最伏都唔係佢癡牙同無味…最伏係我食食下發現盒底有油，仲要多到我個栥飯好似油浸咁，食到後期就會食到浸油味。係！油炸既有油好正常，但多到我可以拎黎煮餸，一張紙巾都索唔哂就好唔ok囉。本身外賣拎走，feel到熱辣辣好正，但原來係有咁多油喺底保溫，完全係伏囉。咁多油，想用紙包住上手食又唔得，用叉又會吉散，完全唔方便食用，邊食啲飯又會邊吸油，都唔知係食緊栥飯定飲緊油。出呢個po之前諗住睇下有冇其他人對呢款栥飯有評價啦，除咗見到話硬之外，跟住先發現原來其他分店呢個栥飯表面係有調味，有落椒鹽咖，所以中伏的只有我？大家食豆乳狂人既栥飯千祈唔好揀呢款！
今次下午茶時間路過，就諗住買隻黎過下口癮，揀咗“拉芝炸蛋”，因為無圖片，我無估計到佢係炸既粢飯:-I以為係有炸既餡料先叫呢個名…
咁打開見到2件炸飯糰都無野既，諗住試下囉，但因為炸過，啲糯米變咗飯焦既口感同會癡牙，亦都變咗無咗糯米香，頭尾位置無餡就會覺得無味。佢有提供叉俾你食，但其實因為外面炸咗，比較乾，會一叉就散，無乜作用，然而最伏都唔係佢癡牙同無味…
最伏係我食食下發現盒底有油，仲要多到我個栥飯好似油浸咁，食到後期就會食到浸油味。係！油炸既有油好正常，但多到我可以拎黎煮餸，一張紙巾都索唔哂就好唔ok囉。本身外賣拎走，feel到熱辣辣好正，但原來係有咁多油喺底保溫，完全係伏囉。咁多油，想用紙包住上手食又唔得，用叉又會吉散，完全唔方便食用，邊食啲飯又會邊吸油，都唔知係食緊栥飯定飲緊油。出呢個po之前諗住睇下有冇其他人對呢款栥飯有評價啦，除咗見到話硬之外，跟住先發現原來其他分店呢個栥飯表面係有調味，有落椒鹽咖，所以中伏的只有我？
大家食豆乳狂人既栥飯千祈唔好揀呢款！
張貼
