影片
更多
2024-10-24
506 瀏覽
雖然去之前都見有唔小劣評，但睇相又覺得唔係咁差姐，就決定試下佢個大閘蟹放題。點知。。同屋企人滿心期待嘅大閘蟹放題變咗一次不快嘅經歷。由於火炭分店無限時，所以就揀咗係火炭食。帶位坐低後，已經出現無職員理嘅情況，叫左好耐先有人應下你。到有職員理你，又乜都無講無介紹，你問一句佢答一句，雖然佢態度唔係差，但感覺已經唔係幾好。突然另一位職員上左個雞煲俾我地，呢個雞煲可以話係我人生食過最難食，一d 都唔惹味，唯一可以話雞件好大舊。我地一行四人一人食左一件已經唔想食，寧願食其他野。咁就叫職員收走個雞煲（因為餐廳要你食完雞煲先可以轉邊爐，轉咗就唔可以食返雞煲）好啦到睇相幾唔錯嘅蒸海鮮，放題嚟講味道可以接受，但好明顯係用大量蒜頭去遮蓋海鮮嘅雪味，簡單講係食蒜蓉味，唔會難食但唔好期望有海鮮鮮味。講返大閘蟹，每次只可以每人兩隻，食完先可以再order,order 後要等20分鐘先見到d 蟹，重點係會出現漏單情況，對於一個任食嘅大閘蟹放題嚟講，成件事係非常不爽。而d 蟹亦非常細隻，三両都無嘅size,偶爾有一兩隻係壞咗嘅，然後你又要等20分鐘，博佢唔好出隻壞嘅蟹俾你。邊爐更加不值一提，d 牛肉有騷味，完全入唔
雖然去之前都見有唔小劣評，但睇相又覺得唔係咁差姐，就決定試下佢個大閘蟹放題。
點知。。同屋企人滿心期待嘅大閘蟹放題變咗一次不快嘅經歷。
由於火炭分店無限時，所以就揀咗係火炭食。
帶位坐低後，已經出現無職員理嘅情況，叫左好耐先有人應下你。
到有職員理你，又乜都無講無介紹，你問一句佢答一句，雖然佢態度唔係差，但感覺已經唔係幾好。突然另一位職員上左個雞煲俾我地，呢個雞煲可以話係我人生食過最難食，一d 都唔惹味，唯一可以話雞件好大舊。我地一行四人一人食左一件已經唔想食，寧願食其他野。咁就叫職員收走個雞煲（因為餐廳要你食完雞煲先可以轉邊爐，轉咗就唔可以食返雞煲）
好啦到睇相幾唔錯嘅蒸海鮮，放題嚟講味道可以接受，但好明顯係用大量蒜頭去遮蓋海鮮嘅雪味，簡單講係食蒜蓉味，唔會難食但唔好期望有海鮮鮮味。
講返大閘蟹，每次只可以每人兩隻，食完先可以再order,order 後要等20分鐘先見到d 蟹，重點係會出現漏單情況，對於一個任食嘅大閘蟹放題嚟講，成件事係非常不爽。而d 蟹亦非常細隻，三両都無嘅size,偶爾有一兩隻係壞咗嘅，然後你又要等20分鐘，博佢唔好出隻壞嘅蟹俾你。
邊爐更加不值一提，d 牛肉有騷味，完全入唔到口，絕對明白放題不能要求過高，但呢個質素實在係有d 過份。
串燒部分反而係最入得口，雖然好明顯唔係即燒，食物亦似係一大pack 業務用嘅出品，但起碼味道正常。
餐廳環境亦唔太衛生，有個生曬誘望落好污糟嘅鐵桶係枱俾你裝蟹殼。進餐期間亦有蚊虫飛來飛去嘅情況，餐廳亦有陣臭噏味🙁🙁
食完呢餐飯，深深明白咗咩係照騙😢
......
埋單大約HKD5XX,接近HKD600 一位，實在令人食得氣憤。
正如上述所講，睇相食物係唔錯，但我就絕對會勸朋友唔好試，真心大伏😣😣
張貼
