Oddies (已結業)

是咁的，見openrice度咁多笑笑，張雞蛋仔雪糕上又咁吸引，咪返工約埋幾個friend lunch後去試下囉。點知，中哂伏..... 我叫左個招牌night wolf（即係雞蛋仔+雪糕新地咁上下啦）, 另外兩位朋友飽飽地要個66% dark chocolate 雪糕同扭紋雪糕就算啦。首先，一俾完錢，先同我講話要等25分鐘，嘩又唔早響唔係個個lunch都豪到25分鐘俾你架嘛....不過算，鬼叫咁啱有時間又想試咩，等咪等囉...咁雞蛋仔呢就即叫即整嘅，員工同機器限制左，快唔到，明嘅。之但係我朋友嗰兩杯軟雪糕，雪糕機斟出黎咋喎，朋友都催左話想要左先，丫嗰頭應左你，轉個頭又係要等25分鐘，真係要俾個叻佢。好啦，戲肉黎啦，開餐。我個night wolf, 雞蛋仔新鮮整起仲熱，入面有啲朱古力，味道OK。個雪糕，聲稱係66%dark chocolate 低脂gelato, 但點解D朱古力味可以咁人工？一D朱古力苦澀味都冇？66%dark chocolate?老老實實如果真係用足料整D咁嘅味道出黎，都幾嘥料。另外，仲有舊香蕉味唔知雪糕定布甸嘅野墊底，嘩！藥水味！非常人工嘅味道，lur都lur唔切囉.