奇樂香辣雞煲 (已結業)

我咁耐都未試過嬲到要寫食評，我唔知食緊雞煲定食緊雞骨煲，叫一隻雞，四個人食，份量少不在話下，全部都係冇肉食既部位（雞頸，雞腳，雞背，*一隻雞翼*，雞轉彎位，雞鎚最尾果個部分等等），都要四個人一下子就食完，每人都係食左三四件左右，食食下就覺得奇怪喇，會唔會係落錯左係半隻雞呢？隨即問下，佢話係一隻雞，解釋係預先準備好雞件，如果一隻雞就大約1.6g左右，即係廿件左右，我地話好多都係雞頸等冇肉既部分，佢話你指緊果個唔係雞頸，好，係我唔識野，但係果條野得塊皮，冇肉架囉，我地知再爭論落去都冇結果，於是算數沉住氣，我真係唔知你有肉既地方去晒邊，係未用晒黎煲湯，仲要收人三百幾蚊，真係返到屋企條氣都未順，你話隻雞既size細都冇所謂，你成鍋都係d最冇乜肉既地方就真係過份囉，我真係完全覺得下面既正評係打手，下面負評既同我地遇到既一樣，真係唔好信正評！唯一一樣野抵讚既係d員工服務好好，但得服務好係冇用，都要物有所值同食物質素要好囉，你唔好用正評氹人黎中伏啦，咁都開到兩年，真係平時呃到唔少人黎幫襯