影片
更多
2022-07-09
4338 瀏覽
和大女出街食午餐，近近地揀咗筲箕灣呢間喜亭軒，見門面光鮮企理，主打點心及火鍋。中午時分，餐廳客人並不多，安排了坐在窗邊的座位，開揚又可望吓街景，但是窗上佈滿了污跡，應該起碼一個月冇抹過，睇落好唔開胃。見到幾枱客人都係食點心，睇落都幾精緻，但是大女想食牛肉火鍋放題，就下佢啦。我哋叫了雞煲海鮮放題，任食SRF美國黑毛和牛。每位$258，另加了$40有一個刺身拼盤。雪櫃的啤酒、汽水亦是任飲。先上了一個雞煲，但是十分難食。雞肉超級乾，味道亦得個死醎，食咗一舊已經唔想食。係我食過最差嘅鷄煲。呢個刺身拼盤又係好唔得，比出邊的放題差好遠，融雪做得唔好，感覺亦不太新鮮。我哋order左黑椒豬肚湯底拼沙嗲湯底，先送咗一個海鮮拼盤。有兩隻鮑魚，幾舊龍躉肉，幾隻短繩子，大蝦，魷魚。鮑魚、大蝦及龍躉肉幾好味，夠新鮮。呢碟超經典，上枱真係嘩咗聲，係我哋首輪order的8塊美國SRF黑毛和牛, 兩塊安格斯肩胛肥牛，兩塊羊肉。上檯啲肉完全未溶雪，全部黐埋一舊，仲要東一忽西一忽打風咁，超核突。餐廳亦10分唔老實，入邊全部都係羊肉和安格斯肩胛肥牛，黑毛和牛超少。即刻同經理投訴，佢話可能搞錯咗。又上咗碟美國SRF黑毛和牛
中午時分，餐廳客人並不多，安排了坐在窗邊的座位，開揚又可望吓街景，但是窗上佈滿了污跡，應該起碼一個月冇抹過，睇落好唔開胃。
見到幾枱客人都係食點心，睇落都幾精緻，但是大女想食牛肉火鍋放題，就下佢啦。我哋叫了雞煲海鮮放題，任食SRF美國黑毛和牛。每位$258，另加了$40有一個刺身拼盤。雪櫃的啤酒、汽水亦是任飲。先上了一個雞煲，但是十分難食。雞肉超級乾，味道亦得個死醎，食咗一舊已經唔想食。係我食過最差嘅鷄煲。
45 瀏覽
0 讚好
0 留言
呢個刺身拼盤又係好唔得，比出邊的放題差好遠，融雪做得唔好，感覺亦不太新鮮。
28 瀏覽
0 讚好
0 留言
我哋order左黑椒豬肚湯底拼沙嗲湯底，先送咗一個海鮮拼盤。有兩隻鮑魚，幾舊龍躉肉，幾隻短繩子，大蝦，魷魚。鮑魚、大蝦及龍躉肉幾好味，夠新鮮。
25 瀏覽
0 讚好
0 留言
呢碟超經典，上枱真係嘩咗聲，係我哋首輪order的8塊美國SRF黑毛和牛, 兩塊安格斯肩胛肥牛，兩塊羊肉。
上檯啲肉完全未溶雪，全部黐埋一舊，仲要東一忽西一忽打風咁，超核突。餐廳亦10分唔老實，入邊全部都係羊肉和安格斯肩胛肥牛，黑毛和牛超少。即刻同經理投訴，佢話可能搞錯咗。
8 瀏覽
0 讚好
0 留言
又上咗碟美國SRF黑毛和牛，都係全部黐埋一舊，應該餐廳係一早切好薄片然後成碟雪嘅。
8 瀏覽
2 讚好
0 留言
其他order的食物都係好普通，冇乜特別。
5 瀏覽
0 讚好
0 留言
15 瀏覽
1 讚好
0 留言
最後每人可以有一杯movenpick 雪糕, 最好味就係呢。
5 瀏覽
0 讚好
0 留言
整體用餐體驗十分之差，埋單兩個人$6xx，我相信有大把選擇好過佢，冇下次。
張貼
