影片
更多
2018-06-10
1216 瀏覽
為咗慶祝父親節, 所以去幫襯呢間未試過嘅中餐廳。 早一日左咗落訂，book左$1888套餐六人用連加一茶水，點知食到一肚氣訂咗七點鐘，我哋七點十五分去到坐低。。。等等等。。。等到八點一都仲未有嘢食先後催左三次，八點十五分終於起咗第一道菜 - 「乳豬拼盤」！唔係好明白點解燒味都要等一個鐘？！可能頭先劏緊隻豬？過咗無耐就上咗個湯，咦咪住先... 啲黑蒜同螺頭都唔見咗？原來上錯左 如是者又等多半個鐘先來返啱個湯.. 一飮之下, 媽媽同細佬都話個雞湯嘅味同金寶湯煮ABC粉嘅雞湯味道係一樣，只係加左啲色！唉...其他菜式味道都普普通通，鮑魚係罐頭嘅，條魚味道可以，不過上魚唔會幫手臨油同埋片開少少肉確定係咪熟透。最好笑係個五穀登！唔知係咩黎？原來係兩隻糭。兩隻糭上碟嘅時候係原裝上！即係連埋糉葉同埋條草繩要叫侍應佢先識幫手拆糭，真係Oh my God!!!!!#+@&€%*@!!&全單1888絕對唔值！無下次
訂咗七點鐘，我哋七點十五分去到坐低。。。等等等。。。等到八點一都仲未有嘢食
先後催左三次，八點十五分終於起咗第一道菜 - 「乳豬拼盤」！唔係好明白點解燒味都要等一個鐘？！可能頭先劏緊隻豬？
過咗無耐就上咗個湯，咦咪住先... 啲黑蒜同螺頭都唔見咗？原來上錯左 如是者又等多半個鐘先來返啱個湯.. 一飮之下, 媽媽同細佬都話個雞湯嘅味同金寶湯煮ABC粉嘅雞湯味道係一樣，只係加左啲色！唉...
其他菜式味道都普普通通，
鮑魚係罐頭嘅，
條魚味道可以，不過上魚唔會幫手臨油同埋片開少少肉確定係咪熟透。
最好笑係個五穀登！唔知係咩黎？原來係兩隻糭。兩隻糭上碟嘅時候係原裝上！即係連埋糉葉同埋條草繩要叫侍應佢先識幫手拆糭，真係Oh my God!!!!!#+@&€%*@!!&
全單1888絕對唔值！無下次
等左個幾鐘 個湯上錯左
43 瀏覽
0 讚好
0 留言
張貼
