壹屋子台式料理 (已結業)

中曬伏！山長水遠特登去食 一入去話得返甜品 都唔緊要 主要都係想試甜品 之不過好奇怪地食食下有人入黎叫牛肉麵外賣 佢又有架喎😒仲即刻煮麵 咁係冇定唔想做就唔知喇。甜品就得返兩款選擇:木瓜雪耳糖水 & 黑糖紅棗桂圓，兩款都可加芋圓。叫左個木瓜雪耳 係史上最難食！唔係燉既都算 超級稀和超級淡！溝水溝到同飲水冇分別！木瓜得兩三粒仔 完全冇木瓜味！雪耳有兩塊 都係唔知食緊乜野咁！芋圓份量偏少，味道正常，熱食都尚不過不失！整體係極失望！