聘珍樓 (已結業)

久聞聘珍樓之大名，日前終於有機會幫襯，當然，大家睇下個標題都知我的評價。講真，聘珍樓無論服務水準及食物質素都及不上我幫襯過的酒樓，份量少不在話下，隻乳豬細到呢…真係一隻豬BB lo，食到大家到喉唔到肺；碗翅食落似美心MX那碗碗仔翅多D，分別只在於聘珍樓用蟹黃湯底而已。值得一提的是臨尾那個椰汁糕，簡直極品，不止味道清淡，當我不慎跌左舊椰汁榚落枱，正想執起舊糕時，發現舊糕好像AA膠般黏住張枱布，扯起舊糕就連張枱布也會扯起。D waiter 又衰，唔預先冷藏D 香檳、汽水，D飲品唔湯唔水咁，叫人加冰，佢俾一杯冰我地自己加lo，咩態度嚟架？寫左咁大篇野，都係想吐下苦水，順便呼籲大家食飯唔好揀呢間野，銅鑼灣好酒樓多的是。