Backyard Bistro (已結業)

踩完單車，醒起某雜誌提起呢間餐廳既意大利菜好正宗，又見到有六個好評，於是抱點期望去呢間餐廳食。今日係年初二，打去訂位，竟然有位。去到覺環境不錯，燈光稍暗而有點格調。甫見menu，只見翏翏數款主菜，沒有湯/沙律、飲品及甜品，於是問店員取full menu，店員稱今晚沒有其他菜式，只有那幾款主菜。心諗：你冇咁多菜式，今晚就唔好開，或者係訂位既時候同人講清楚啦。 不過既然到左，就照試下D野食有幾好味啦。叫左個BBQ ribs同一個松露pizza，出菜算快。BBQ ribs ($268) 燒得唔錯，骨肉都較易分離，唔算乾，但係唔入味，另有醬提供但味道相當一般。焗薯塊很淋，不鬆脆。配菜新鮮度還可以，但沙律汁很酸。松露pizza ($168) 賣相一般，松露味相當淡。最令我們失望既係餅底稍厚，硬而不脆。相比上年係意大利食既薄餅簡直係天淵之別。我甚至可以話pizza hut既薄餅既餅底比佢既口感還好。 另外，佢用既油醋相當酸，以佢咁既價位，我會期望有assaggio trattoria 之類餐廳應有既質素。 如果呢間餐廳係海旁，有煙花睇，我姑且會覺得我呢餐會因為租既緣故收一個合理價錢。但係呢間