影片
更多
2014-02-04
6495 瀏覽
年初二, 煙花夜. 周圍搵間有靚境嘅餐廳同家人食飯. THE ONE 望正維港, 又有露台, 個境有保証. 之前去過WOOLOOMOOLOO 同 HARLAN'S, 今次就試下TAPAGRIA. 煙花夜要食SET. 一個星期前訂. HKD680+10% per adult and HKD480+10% per child (3yr+). 我六個大人, 兩個細路 (其中一個三歲未夠. 唔洗俾$). 要一早過全數 HKD5,016 做訂金. OK, 無問題. 約好一家人食飯, 睇煙花. 好期待.當晚天朗氣清. 又唔凍. 欣賞煙花一流. 我地6:30到齊. 叫左JAR SANGRIA 飲下, 7點先開飯.先上頭盤: 呢個係IBERICO HAM, 圖是3人份量. MELON唔甜.COURSE 2: Chicken Croquette with Black Truffle 名字不重要. 只食到係炸忌廉球. 無影相.一人兩件細細件. 全無伴碟.COURSE 3: Scallop Wrapped with Spanish Bacon. 圖是3人份量. 一人兩件細細件. 全無伴碟. COURSE
煙花夜要食SET. 一個星期前訂. HKD680+10% per adult and HKD480+10% per child (3yr+). 我六個大人, 兩個細路 (其中一個三歲未夠. 唔洗俾$). 要一早過全數 HKD5,016 做訂金. OK, 無問題. 約好一家人食飯, 睇煙花. 好期待.
當晚天朗氣清. 又唔凍. 欣賞煙花一流. 我地6:30到齊. 叫左JAR SANGRIA 飲下, 7點先開飯.
先上頭盤:
呢個係IBERICO HAM, 圖是3人份量. MELON唔甜.COURSE 2: Chicken Croquette with Black Truffle 名字不重要. 只食到係炸忌廉球. 無影相.一人兩件細細件. 全無伴碟.
COURSE 3: Scallop Wrapped with Spanish Bacon. 圖是3人份量. 一人兩件細細件. 全無伴碟.
COURSE 4: Crispy Suckling Pig with Caramelized Apple & Honey Mustard Sauce. 3人份量. 一人兩件細細件. 全無伴碟.
食到呢度. 覺得唔妥. 點牙餐. 好似無食過野. 下一道菜已是主菜. 除非個PORTION 大D, 否則唔飽. 於是問WAITRESS可否另叫A LA CARTE. 回覆是, 無. 只可在SET DINNER MENU內點你想要的. 以上全部野單點$20件. 吓?? 食人隻車咩? 無樣值. 於是放棄. 待上. 睇煙花先.
俾咁多$主要食境. 要好好享受....跟住再要多JAR 其他味道嘅SANGRIA. 再上主菜. 二選一. 可選羊架OR海鮮飯. 我地連細路8人要了4份羊4份海鮮飯. 其中一份是單點MAIN COURSE (HKD124). 上菜, 好失望!
兩個主菜. 都用麵包碟差不多大小嘅碟上菜. 好細碟. 感覺好小家,好小家, 好小家! 雖然味道尚可 (已俾面. 其實海鮮飯隻蝦好霉). 賣相真係唔掂. 中伏感覺超濃. 最後甜品: Chocolate Macaroon with Cashew nut Vanilla Ice Cream
又係勁"精緻", 係就係好味嘅. 但真係太細. 好似平時响中環食LUNCH 免費赠送果D甜品咁. 唉. 間野真係無呃你. MENU寫咩就係咩. 唔會俾多你. 咖啡茶同 麵包都欠奉. 食完好想即刻去街邊篤魚旦.... 個餐加野飲(兩支水and 兩Jar Sangria)加一單點MAIN COURSE, 埋單一共HKD6,051. 有95%去左個境度. 食物每人最多只值一百蚊. 食唔飽. 個境幾靚都無用. 請人食飯, 但感覺超寒暄. 亦極搵笨. 唉. TAPAGRIA 我們不會再見了.
侍應工作辛苦. 但中伏感實太深....對不起. 我真係俾唔落額外貼士. 你問老闆攞啦!
張貼
