影片
更多
2017-09-24
79 瀏覽
前幾日睇到Facebook某一位飲食介紹嘅專題！片段真係唔好盡信！首先228再加一，如果要磯燒+$50，如果想食好啲嘅譬如想食三文魚籽手卷又要另外＋60！今次我哋淨係試吓個磯燒呢個價錢係出邊可以有更好嘅選擇，嗰度前後係我哋張枱出現嘅大概有四至五個服務員，只有其中一個四眼扎辮同收銀嘅係正常一個短短地頭髮嘅女仔應直情係爆炸首領，佢收走刺身盆時融雪嘅水倒到成枱都係彈到我件衫，佢見到都冇同我道歉，基本嘅禮貌都無，OK算數！轉頭羊架上枱嘅時候成個跌左落去張枱度跌咗出嚟，跟住我話唔緊要，佢係我面前用手執返落去隻碟度，完全冇講過任何唔好意思架！由於嗰隻碟係得一件羊架，我哋睇住佢攞返入廚房，跟住唔使十幾秒佢行返出嚟，我睇返隻碟我肯定佢係攞返果一件出嚟比我囉，佢連隻碟都唔換啊再攞返俾我佢係咪癲㗎？佢係咪真係當我地傻架？見佢咁樣我哋有嘢都唔咁勞煩佢轉個頭另一個長頭髮嘅妹妹又係，收野嘅時候又係整跌到成張枱都係，點解呢間野啲人咁鍾意倒瀉野？跟住嗰個爐冇晒Gas，同第三個女侍應講，正常過爐係有火架嘛，成個熄咗咁肯定係冇gas啦,佢竟然出色度攞隻手放近過路話仲係暖跟住即刻走咗！我哋四個當堂笑左出黎都唔知好嬲定係好
首先228再加一，如果要磯燒+$50，如果想食好啲嘅譬如想食三文魚籽手卷又要另外＋60！今次我哋淨係試吓個磯燒
呢個價錢係出邊可以有更好嘅選擇，嗰度前後係我哋張枱出現嘅大概有四至五個服務員，只有其中一個四眼扎辮同收銀嘅係正常
一個短短地頭髮嘅女仔應直情係爆炸首領，佢收走刺身盆時融雪嘅水倒到成枱都係彈到我件衫，佢見到都冇同我道歉，基本嘅禮貌都無，OK算數！轉頭羊架上枱嘅時候成個跌左落去張枱度跌咗出嚟，跟住我話唔緊要，佢係我面前用手執返落去隻碟度，完全冇講過任何唔好意思架！由於嗰隻碟係得一件羊架，我哋睇住佢攞返入廚房，跟住唔使十幾秒佢行返出嚟，我睇返隻碟我肯定佢係攞返果一件出嚟比我囉，佢連隻碟都唔換啊再攞返俾我佢係咪癲㗎？佢係咪真係當我地傻架？見佢咁樣我哋有嘢都唔咁勞煩佢
轉個頭另一個長頭髮嘅妹妹又係，收野嘅時候又係整跌到成張枱都係，點解呢間野啲人咁鍾意倒瀉野？
跟住嗰個爐冇晒Gas，同第三個女侍應講，正常過爐係有火架嘛，成個熄咗咁肯定係冇gas啦,佢竟然出色度攞隻手放近過路話仲係暖跟住即刻走咗！我哋四個當堂笑左出黎都唔知好嬲定係好笑最後好彩有四眼馬尾嗰個妹妹幫手換gas
另外一個女侍應唔知做乜次次去到我哋張枱都望住我地好似想殺人咁嘅樣，真係收銀姐姐同嗰個四眼扎辮嘅女仔係正常！其實呢相比起旺角呢間嘅放題糸兆萬已經叫做係最少人啊，如果佢哋咁樣都做唔切嘅一係就搵多幾個人啦一係就炒晒佢哋啦！食物品質好唔好都已經係其次啦我覺得，佢哋係咁樣令到我好不滿我都冇任何嘅衰樣同投訴已經好俾面，因為我鬧都嘥氣啦，$300食啲咁嘅嘢抵唔抵就見仁見智，但係唔知點解＄300仲要俾錢受氣，當中有一個白色衫好似老細嘅人，真係好希望佢可以睇到呢段野
首先因為我哋有訂枱佢會每人送一件自選嘅食物
我哋揀咗生蠔，個樣好似幾靚呀，一上枱又係裝假狗嘅廣島蠔，你唔係即開唔緊要，為你淨係寫話送生蠔咋嘛，但係我想問你裝住佢嗰啲生蠔殼究竟用咗幾多次？我個人覺得其實咁樣係好唔符合衛生，雖然你話出去條街度食飯一定係污糟架啦眼不見為浄，但係我見到個殻就會諗起囉
磯🔥
首先一開始來咗個海鮮拼盤
鮑魚正常
蟹蓋好睇唔好食相都唔想影
任食嘅聖子，蠢左唔記得影相睇吓佢有幾衰
大蝦OK嘅
扇貝完全冇味加錢再叫個個係白癡
日式刺身
刺身我第一次食放題呢類野冇影相，不堪入目
寫住有得揀有頭甜蝦同埋冇頭嘅甜蝦
寫咗兩次有頭嚟到都係冇頭，跟住第三次係張紙到寫都唔明我一定要有頭，最衰真係冇影相，因為啲黑頭全部黑色，唔使講都知乜嘢事啦，死咗幾多日呀？
三文魚無味嘅，大部份放題都係咁上下
𩶘魚乾乾嘅
吞拿魚正常
帶子👌好孤寒切碎晒，出邊放題唔會咁cheap
榮螺鮮甜
冇頭嘅甜蝦鮮甜
熟食
所謂嘅到庭冷烏冬，如果可以打粗口我真係想打出嚟，點解烏冬食落去係林啤啤好似壞咗咁，真係垃圾黎架，邊有咁痴線嘅烏冬，他是怎樣煉成的？
榴槤炸彈正常，原因唔係自家出品囉
炒大蜆，沒有味道的垃圾
天婦羅正常
芝士焗生蠔好味
帶子裙邊好食因為都係買返嚟嘅啫
牛肉鍋，裏面嘅小棠菜係黃色嘅，未到其實正常不過啲菜好明顯全部都係唔新鮮，點解唔可以比少少誠意？
羊架好食嘅，所以再叫多一件，可惜爆炸姐俾返一件跌咗落張枱嘅我所以冇食到
枝豆正常
南瓜湯…冇回應…
甜品
泡芙都係食開放題嗰一隻OK
西瓜哈哈哈哈呢個真係好想笑，白肉架，全部都係西瓜皮咁滯，只不過切左綠色嗰啲然之後俾啲白色我哋咋嘛，一件都冇食到，請原諒我冇影到張相！但係我又唔會有機會再喺度食真係對你地唔住
好啦講完啦，後會無期啦3樓
所謂嘅海鮮
11 瀏覽
0 讚好
0 留言
張貼
