蝦匠 (已結業)

行到九龍城唔知食乜，睇食評決定走黎試一試個招牌有龍蝦嘅招牌蝦湯，點知食第一啖中伏不淺。首先，隻波士頓龍蝦鉗大過個尾成倍，得一啖肉都算，個肉質仲要硬到不得了。跟住成碗湯淡而無味，唔辣唔鹹好似煮麵水咁，啲豆卜同魚片就當然唔入味，啲米線又軟塌塌，唯一可取之處係啲蝦燒過，比較香，但也又乾又硬，毫無誠意，只不過一碗冰鮮食材水煮埋一齊，絕對不會再幫襯。好懷疑寫好食果啲全部假評論，浪費我個胃搞到以後都唔敢睇食評試新嘢。