霞飛點心拉麵 (已結業)

想食上海菜，同事推介K11 霞飛，兩丁友去食，即日打去book 位，點知......(兩個人無得book位架喎，walk in 啦)大家試下三位起啦唯有！去到個場半吉(勁多兩人坐緊四人檯)，不過唔好意思！未齊人唔入得啵！門口等下啦~被安排坐係健碩少少都行唔到入去的中間二人檯，同隔離檯只保持半個手肘位距離(明明好多吉檯！！！)第一印象呢架野...就只能說我認了！香港食堂現象一問:係咪略有名氣的飯店員工都係咁客氣既呢？！不過！！！食物質素的確係令人滿意的。霞飛分店唔多，價錢相對其他店較平，不過又有驚喜喎！外剛內柔-灌湯牛肉餡餅 皮脆，一咬之下肉汁四射，友人不以為意中左招。牛肉餡很有口感，不會老。而且大大隻(但餡肉有限)，女生食多隻都好快飽。細細粒-生煎包皮薄，感覺像在吃變種小龍包，多汁但都油淋淋，d肉真係無乜味。一個就夠曬數，因為會好濟。大大碗-酸辣湯麵張檯已經好嬌小，大大碗酸辣湯麵對比下好宏偉。足料無異味(豬紅同竹筍處理不宜會有陣怪味)，湯底濃度適中。麵條彈滑不糊。下次會再食！普通-蒸銀絲卷無乜特別，建議要趁熱軟身時k.o佢。不過不失-小籠包皮有點厚，無乜特別。第一次穩打穩陣，下次試下其