霸王山莊 (已結業)

公司搬左去灣仔, 已經急不及待搵下灣仔有乜野好食霸王山莊唔係第一次幫襯, 尖沙咀荃灣我都食過, 尖沙咀幾好, 但荃灣真係一般... 因為灣仔太多野未食過, 本來排隊都未輪到幫襯佢, 事緣當日約左久違了既係灣仔返工既朋友食lunch, 知道霸王山莊中午唔駛點等位, 所以就揀左呢度果然, 中午一點前搵位唔難, 而且因為金融海潚, 中午多左個特價餐, 一個拉麵$28霸王山莊拉麵既特色係, 有好多種唔同既拉麵任君選擇, 粗的, 幼的, 健康的 (應是蕎麥), 等, 相信應該會有一款岩口味當日我叫左川味牛筋配粗豪麵, 餐牌寫牛筋係辣的, 但食落一d都唔辣, 雖然我唔嗜辣, 但寫明係辣原來唔辣要扣分, 牛筋幾"林", 亦唔會煮得太耐無左牛筋味, 因為我好怕食一d狂煲煲到無晒味既牛筋...至於個粗豪麵, 我比較喜歡食粗麵, 但感覺佢既麵比我喜好既更粗, 的確很"粗豪", 口感 (雖然我真係唔想用呢個咁common既term) 唔錯, 只是個湯底不是上湯... 失色了最後要一讚的, 就是小籠包, 記得之前尖沙咀第一次食, 已經令我留下印象, 今次係灣仔食, 都無令我失望, 皮簿多湯汁, 頂頂個摺位食落