泰象泰國越南餐廳

營業中

休息中

中午去到鴨脷洲大街搵食，周圍都係人，岩岩好睇見泰象有位即刻入，慢少少係要等位。餐牌只有午餐，炒粉麵飯都有，全部可以加$5熱飲。叫左最鐘意既喇沙湯金邊粉，揀左札肉。湯比較偏甜，無出面咁辣，好易入口。入面配埋小小酸蘿蔔絲同豆卜好味。另外叫左炒豬頸肉公仔麵，大大碟，豬頸肉好多舊，麵唔會炒到過淋，仲有好多生菜🥬蘿蔔條青椒做配菜非常欣賞！加左兩杯泰式奶茶☕️熱飲，茶香多奶唔洗加糖。60零蚊好抵食，性價比高。