飲茶‧私房菜 (南豐大廈) (已結業)

話說是日一行５人想即興飲茶，本身係１２點已經上網拎左大會堂美心既飛，以為等一陣， 點知太天真。間野不停咁叫A同B飛， 當拎Ｃ 飛（５人）既唔係人。我地等左一個鐘先叫左一張Ｃ飛。。我頂。。轉場去飲茶私房菜。當時去到已經１點２０分左右。我地一坐低就叫野食，好多好多選擇。😋流沙包：打咭同味道都１００分叉燒酥：小偏甜🍤蝦餃：粉紅卜卜，蝦大大隻，皮唔厚燒賣：綠色皮，好味但略嫌個皮易甩／爛素菜餃（透明波波），皮蛋，茄子，煎腐皮卷，春卷，清炒菜心，：好味無乜特別🥟紅油抄手：正正正，皮滑，夠辣椒鹽魷魚酥：好邪惡，好香好脆大大兜😍😋總括黎講，好快靚正的飲茶經歷。可以再encore！