肥姐麻辣餐廳

營業中

休息中

肥姐一向都係我心水餐廳選擇，鍾意佢夠香夠辣，而且啲用料幾好，不過通常晚上去食，有時都覺得少少貴。星期日難得要出去，諗住响荃灣食個午餐，先知原來肥姐有中午套餐，價錢仲平好多。幾個朋友打算試下唔同嘢，所以叫咗一個小火鍋，兩個客飯。麻辣小火鍋：麻辣適中，有菜有肉有寬粉，其實幾夠飽，不過如果再多少少肉會更好～辣子蒜香排骨：排骨多肉，入味，非常香口，配白飯一流，非常喜愛之選。泡椒牛筋腩：筋腩夠淋，泡椒令味道更加出色，如果再辣一點更好。雖然小菜份量比晚上細碟，但午餐完全夠食，又可以滿足下食辣嘅渴望，值得推介～