兄弟邦

營業中

休息中

今日同事又話要去食日本野，咁咪去囉，大不了下晝返去食tea。今日去左勝利道果邊搵食，果邊已經係何文田，唔算係旺角，大熱天時行咁遠真係好辛苦。呢間餐廳門面係一個趟門，第一次去既人可能未必搵到佢個門口。鋪面不大，但坐得尚算寛敞。行到一身汗，都唔想食熱野，唯有揀我最愛既角切魚生飯。呢個角切魚生飯有三文魚，吞拿魚，蛋粒，青瓜粒，用料非常充足。魚生非常鮮甜新鮮，中午套餐仲包前菜小食，麫豉湯，飲品，都算抵食。無奈我下晝4點已經肚餓，都係要去食TEA。