泰 (已結業)

昨天因為工作嘅關係去咗黃大仙做嘢，咁到中午嘅時候冇乜胃口但係又要食午飯，咪諗住搵間泰國菜食少少辣野開胃啲，點知比我搵到呢間泰國菜，一望到餐廳嘅裝修真係好有泰國feel，仲可以唔坐室內坐門口都可以，咁我咪嗱嗱臨坐低攞個餐牌叫過泰式湯河粉食囉加個木瓜絲沙律，仲帶咗個椰青添，點知有驚喜個河粉合格，個木瓜絲沙律超級好味，因為佢可以因應你嘅要求加辣或者唔辣，我本人超級喜歡食辣，所以叫咗個加辣超級好味，椰青都幾新鮮，買單都係$80蚊本人就覺得超級抵食喇！如果喜歡食辣嘅大家去試吓啦！