影片
更多
2023-04-17
645 瀏覽
話說嗰日真係好肚餓，嚟到人稱美食荒漠嘅青衣，我一早就有心理準備。一期我就冇選擇到呢，因為既然二期算係新開咁就選擇咗去二期搵食算，我見二期都有唔少餐廳嘅，中西日韓，但係明明個肚已經好肚餓，都呢樣又唔想食，嗰樣又唔想食，想食嗰啲餐廳又大排長龍，睇嚟嘴习到一個地步都連個肚唔比臉，我諗大家都試過㗎啦。咁啱路過呢間叫做南小館，聽個名就係賣南方嘅菜式，其實都唔係第一次路過㗎啦，都第二三四次。望兩望，入面比我想像中要大，座位都好多，但人就比較稀疏，頭幾次路過都已經覺得好少人喺度食嘢咁，唔知係咩問題呢。餐廳空間大光線充足嘅，設計都比較簡潔，睇落都坐得舒服，我喺門口打量咗一陣，望望菜單見到價錢其實都好想打退堂鼓，雖然中菜不嬲個價錢都係咁㗎啦，但係話曬都只係自己一個人食冇人分擔，個荷包都有少少想縮番去m字快餐食個bell算，但係無奈我個肚已經頂唔到幾耐，加上口硬唔食快餐要食就食好嘅，唯有就試試佢。一坐低啲茶水都好快到嘅，同眾多中餐廳一樣，餐具就一早擺好。個茶壺就係好似圖入邊咁嘅，金色，外形都特別，令我諗起啲舊式水煲，唔知大家屋企仲有冇用，一水滾就VV聲。都幾大個，但拎落比想像中唔太重，可能係本身個壺嘅物料
咁啱路過呢間叫做南小館，聽個名就係賣南方嘅菜式，其實都唔係第一次路過㗎啦，都第二三四次。望兩望，入面比我想像中要大，座位都好多，但人就比較稀疏，頭幾次路過都已經覺得好少人喺度食嘢咁，唔知係咩問題呢。
餐廳空間大光線充足嘅，設計都比較簡潔，睇落都坐得舒服，我喺門口打量咗一陣，望望菜單見到價錢其實都好想打退堂鼓，雖然中菜不嬲個價錢都係咁㗎啦，但係話曬都只係自己一個人食冇人分擔，個荷包都有少少想縮番去m字快餐食個bell算，但係無奈我個肚已經頂唔到幾耐，加上口硬唔食快餐要食就食好嘅，唯有就試試佢。
雞絲涼皮
12 瀏覽
0 讚好
0 留言
一坐低啲茶水都好快到嘅，同眾多中餐廳一樣，餐具就一早擺好。個茶壺就係好似圖入邊咁嘅，金色，外形都特別，令我諗起啲舊式水煲，唔知大家屋企仲有冇用，一水滾就VV聲。都幾大個，但拎落比想像中唔太重，可能係本身個壺嘅物料就比較輕。而茶方面，無論色澤同味道都比較淡，品種我就分唔出，睇色澤唔會係紅茶黑茶，飲落又唔似綠茶，似係白茶。
見個菜單都幾多嘢食，好似菜樓咁，但係推介就無乜，咁我就比個肚去話事啦，所以嗌咗兩個川菜，分別係皮蛋同擔擔麵，首先就講下個雞絲先 雞絲？邊度嚟㗎，係咁嘅，本身我就唔係想嗌雞絲係想嗌個皮蛋，因為諗住一個麵加個小食就算，點知就嚟錯嘢，個價錢份量都幾大分別，唔嚟都嚟咗，唯有硬食。
雞絲涼皮，淡，所有食材都好淡，係個價錢就唔淡，份量方面係可以嘅，大大份，呢個價錢咁大份都應該嘅，而味道呢就啱老人家。醬嘅花生味唔強，唔太滑，比較杰身，勝在唔油，食落無咩負擔嘅感覺，但係唔推薦食得比較咸嘅人食。雞絲唔痴牙，冇雪味，冇雞味就預咗，因為呢道菜食主要係食食材嘅口感同醬嘅調和，呢個價錢呢個份量都唔會預比新鮮雞加雞脾肉，青瓜冇咩特別可以講，冇青味算係一個小特點可以讚嘅，有啲青瓜絲係會食到好大陣青味，而呢個係唔會嘅，只會增加口感唔會喧賓奪主。涼皮方面我就嫌唔夠滑，米味都唔夠，碎濕濕，其實三種食材食落口成道菜式嘅味道係平衡嘅，青瓜嘅刀功切狀同雞絲有配合到，唔會太幼，但係涼皮就有點遜色，令到口感方面差咗。
擔擔麵
9 瀏覽
0 讚好
0 留言
擔擔麵，淡，有可能係我食得濃，皆因我本人都喜歡食擔擔麵，去到邊間中菜館都會嗌，其他餐廳對比呢間，呢間就真係淡，好平民，好冇負擔又冇刺激嘅感覺，有陣我會懷疑我係咪去咗一間老人院餐廳食嘢，唔通呢間嘢係主野老人口味。咁事後我都認為係情有可原，話哂人地都係叫南小館，做南方菜式，我就叫咗兩款川菜，雖然有一款係不請自來，唔緊要都照品味下。碗擔擔麵一擺上枱聞到香嘅，香氣都十足，而印象就唔深刻，因為聞唔到應有味道，花生味花椒味豆瓣醬等等，如果要形容個香味同味道，我會話係似隔離嗰間嘅川菜嗰啲辣油香味，唔講以為碗嘢係隔離店整。然後肉燥肉碎好似冇額外做過工序，食落都係普通，份量比較少嘅，而好重要嘅麵，質感偏腍，冇彈性，雖然係咁但係都有索味，掛汁嘅效果，如果有番啲彈力同口感就好好，有埋麵粉蛋香味就更好。
擔擔麵+雞絲涼皮+服務費+茶介，$120多啲。
總括而言要留意每樣菜式係似眾多中餐館一樣都唔平嘅，唔算抵食，好在份量足夠，味道就適合老人家小朋友食，菜式擺盤同特色方面，我就覺得呢個價錢都唔可以要求到咁多，有咁上下份量同味道唔係難食就過骨。服務還可以，成個場咁大好似都係得一兩個樓面，可能人流唔算多，而廚房門長期開住，唔知點解，經常都會聽到啲廚房裏面嘅聲。食完坐咗喺度開住電腦做咗陣嘢唔會太刻意趕客嘅，整體環境算係舒適光猛好坐，如果餐廳多番啲特色菜式，推介菜式就會比較好，有埋套餐我諗一家大細嚟食都會方便啲吸引啲。
事後我上google起咗一下個底，咁間公司都有喺香港上市， 旗下都係投資中餐西餐餐廳，原來都有成30年做餐飲嘅歷史。佢地就話呢間餐廳嘅佈置係用上海為基調，配上白色明朗的主調，簡約現代中式設計，我都認同嘅，而菜式係新上海菜的品牌形象，我就冇叫到啲上海菜所以就唔作評論啦。
張貼
