東方宮蘭州牛肉拉麵 (已結業)

本身以為係食台灣牛肉麵，所以傻更更走咗入去。然後拎起Menu，先發現原來係食中國蘭州拉麵，佢就連receipt都係出簡體字，好似返咗深圳食飯咁。一坐低見到好多南亞人，周圍望，原來呢間係清真的。佢嘅麵好得意，分九種粗幼度，食物以牛同羊做主打。我同屋企人叫咗一碗蘭州牛肉細面，令一碗係紅燒牛肉薄寬。佢嘅面比較淋身，如果可以好似日本拉麵店咁，自選面嘅軟硬會更好。至於羊肉串，孜然味好濃， $18一串來講，有點貴。反而同一個價錢，呢碟涼拌木耳就幾有驚喜，佢加咗洋蔥，好Fresh。