影片
更多
2015-03-29
7991 瀏覽
中式情人節！幾幾個好友去食BBQ, 呢間韓燒店好難訂，不過訂位又有小插曲，話說我當日早上打去訂晚上1900，3位，店員話要1500先覆，到1500時店員話1900無位，我同佢講而家4位（因為有個朋友可以出到來）點知店員即刻話4位可以1900！我覺得佢係一早收晒order,最後比晒啲枱人最多嘅客，而唔係先訂先得，所以人少就有定心理準備！我明白餐廳經濟效益當然係打爆個場，但⋯感覺都唔太舒服！去到攞位，地方大，裝修係好粗糙嘅街道感覺，石油桶噴畫！窩心係袋及外套可以放座位石油桶內，唔怕吸晒燒烤味枱面一個爐，可以坐6位（所以二三人就浪費了位置）限時90分鐘，所以都唔浪費時間，即刻落單！前菜泡菜可以任添，生菜：好爽口，唔會老紫蘇葉：我喜歡紫蘇葉嘅獨特味道，呢度好新鮮，配燒肉可以減膩！前菜：汁煮薯仔甘荀，燉得入味，淋身，唔會好咸！泡菜：唔係好辣，又唔會好咸，仲保存到大白菜嘅新鮮！正！烤特級雪花牛肉（$198）薄切入口即化，唔使形容！正！烤牛排骨（調味）（$298）：賣相好得意，兩大卷牛肉連骨，要自己煎開一塊塊，調味過嘅顏色變啞色啲！厚肉有口感！烤牛脷（$108）薄切牛脷雪花分佈平均，燒完入口彈牙（唔
去到攞位，地方大，裝修係好粗糙嘅街道感覺，石油桶噴畫！
窩心係袋及外套可以放座位石油桶內，唔怕吸晒燒烤味
枱面一個爐，可以坐6位（所以二三人就浪費了位置）限時90分鐘，所以都唔浪費時間，即刻落單！前菜泡菜可以任添，生菜：好爽口，唔會老
紫蘇葉：我喜歡紫蘇葉嘅獨特味道，呢度好新鮮，配燒肉可以減膩！
前菜：汁煮薯仔甘荀，燉得入味，淋身，唔會好咸！
泡菜：唔係好辣，又唔會好咸，仲保存到大白菜嘅新鮮！正！
烤特級雪花牛肉（$198）薄切入口即化，唔使形容！正！
烤牛排骨（調味）（$298）：賣相好得意，兩大卷牛肉連骨，要自己煎開一塊塊，調味過嘅顏色變啞色啲！厚肉有口感！
烤牛脷（$108）薄切牛脷雪花分佈平均，燒完入口彈牙（唔知點講，又唔係韌），油香滿咀！
烤大八爪魚（$38）兩串，燒完煙韌，好彈牙！
黑毛五花腩（$148）：好肥美，肥肉燒完唔油膩，反而有啲爽口嘅感覺！肉類好味好出色，自助燒肉，店員換燒圓板好密手，攞任食嘅泡菜生菜都好爽手，但其中一位男店員好差，態度冷淡之外，每次叫佢都黑面，仲呼喝我哋其中一位朋友，（佢唔明我朋友想點，就喝一句：即係點呀？）我要強調我哋叫店員都係正常態度，其他店員服務好好，有笑容，係佢一個唔知想點！唔該攞去再培訓下，又一次證明一知差嘅員工可以影響晒成餐飯嘅感覺，唔知嘅以為我爭佢錢！
汽水飲品種類多！
最喜歡食菜包燒肉，加粒生蒜仲正（唔好怕有口氣）廁所好乾淨張貼
