品御軒

營業中

休息中

好耐冇入中大呢間中菜廳飲茶，之前好似易咗手改咗名，位置喺小教堂對面，附近有位泊車，都好方便。室內環境尚算舒適，有自然光好舒服。今日叫咗個套餐，先來雪山叉燒包及楊州炒飯，熱辣辣叉燒包，外面鬆脆可口，楊州炒飯唔油膩，粒粒飯香。頭抽xo醬乾炒牛河，極度邪惡，炒得好好味，黑松露野菌炆伊麵，黑松露香味欠奉，乾炒豬頸肉烏冬，好快畀人食曬，未試過添，還有金牌香妃雞，凍咗但ok好滑有雞味。鮮蝦菜苗餃，大大隻，新鮮熱辣辣蒸起，蝦好爽口。時菜牛肉球，好大粒，蘿蔔絲米網腸，裏面依然脆卜卜。午飯時段坐滿人。