許留山 (已結業)

話說本人嘅母校就位於灣仔，雖然果陣校規好嚴，唔容許我地著住校服係街度留連，但我同班同學一於少理，一放學就會先去吃個下午茶、逛陣街先去補習，所以灣仔對我黎講都有幾多回憶㗎！而許留山都係我中學時期經常去打躉既地方，最中意就係去sogo對面果間（已結業），因為啲椰汁呀火麻仁機都係出面，係入面買完之後店員就會比個杯你出去斟。通常我和朋友都會share一杯，飲完又會趁店員唔為意果陣refill，好鬼抵飲！今日黎到灣仔嘅許留山，要點就一定係點多芒小丸子啦！事關當時佢出多芒小丸子時我都淨係食佢，可以話陪住我成長。今次芒果唔會好酸，而芒果雪糕一如以往夠凍，有香濃芒果味。去到主角小丸子，坦白講有少少失望，以前既小丸子超煙韌，同埋比而家大粒小小，份量又多少少，但而家嘅小丸子又細粒又硬又實，咬落去勁有𡁻口，咬勁耐都未呑得，最後我放棄食小丸子，只係食哂啲芒果算數。